E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Sorosianët bëhen bashkë

27 Shkurt 2025, 20:45, Politikë CNA

Sipas një njoftimi të shpërndarë për mediat krerët e Nismës Thurje të drejtuar nga Endri Shabani dhe Pano Soko dhe të “Shqipëria Bëhet” të drejtuar nga Adriatik Lapaj, nesër do të shpallin zyrtarisht koalicionin për zgjedhjet e 11 majit.

Koalicioni do të shpallet në orën 11:00 përmes një konference për mediat dhe sipas tyre do të jetë një lëvizje kundër korrupsionit dhe politikës së vjetër.

Sorosianët bëhen bashkë

Ky është një refren i tashmë i dëgjuar nga çdo forcë e re që krijohet gjithmonë para zgjedhjeve kur priten rotacione të mëdha me qëllim çuarjen e ujit në mullirin e pushtetit.

Këtë e kemi dëgjuar nga Veliaj që me “Mjaftin” në protestat kundër Nanos, më pas po nga Veliaj me “G99” dhe e dimë të gjithë që përfunduan në prehrin e pushtetit më të korruptuar dhe me një fund më të hidhur se pushteti të cilin thoshin se donin të rrëzonin.

Pastaj këtë e dëgjuam nga Kreshnik Spahiu, lëvizje ku ka qenë dhe i riu Lapaj, lëvizje që lindi pas zënkave me Berishën si për të thënë për inat të tij shkoj bëj parti. Fundin e dimë dhe e mbajmë mend.

Sorosianët tashmë kanë shpallur aleancën e tyre kundër një pushteti që çdo ditë po del se mbahet në këmbë po nga Soros me mënyra të ndryshme dhe madje dhe me paratë e taksapaguesve amerikanë.

A munden njerëz të dalë nga i njëjti “bark” dhe të brumosur me të njëjtën ideologji të jenë të ndryshëm?
Historia politike e vendit tonë ka treguar që jo./CNA