web counter
LEXO PA REKLAMA!

SHKARKO APP

App Store
Google Play

E fundit!

x

Skandali me "Primaret"/ Mediat e pushtetit dhe njerëzit e Ramës futen në garë

27 Shkurt 2025, 12:16, Politikë CNA
Skandali me "Primaret"/ Mediat e pushtetit dhe njerëzit e
Edi Rama

Mediat e pushtetit, të cilat i mbajnë ison kryeministrit Edi Rama, kanë filluar të bëjnë emisione ekskluzive dhe të thërrasin të ftuar kandidatë që ata mendojnë se do të zgjidhen nga Primaret, duke bërë fushatë në këtë mënyrë dhe duke u dhënë dhe hapësira ekskluzive.

CNA ka mësuar se edhe njerëz pranë pushtetit të Edi Ramës janë interesuar për individë dhe kandidatë të caktuar duke ndërhyrë kështu në Primare.

Mediat e inceneratorëve dhe pushtetit, por dhe mediat e korrupsionit të financuara nga paratë e Bashkisë së Tiranës apo vëllait të Erion Veliajt nga reklamat e pushtetit të tij kanë filluar të fusin hundët në garën e Primareve, kryesisht në garën e Tiranës.

Mediat e paguara nga inceneratorët kërkojnë që individë të caktuar të marrin peshë gjatë Primareve, më pas për të qenë në listën e deputetëve dhe për t’i mbështetur dhe për t’i përdorur si instrumente të tyre gjatë fushatës elektorale apo në rast se do të zgjidhen deputetë.

CNA ka bërë një monitorim të disa mediave për të evidentuar se mediat e paguara nga inceneratorët që i mbajnë iso Ramës dhe sulmojnë SPAK-un, kryesisht ato që janë bërë dirigjentë të sulmeve ndaj Strukturës së Posaçme, në mbrojtje të Erion Veliajt gjithashtu dhe individë të administratës së lartë të Edi Ramës janë përfshirë në skandal duke bërë telefonata apo duke kërkuar mbështetje nga redaksi të caktuara për individë të cilët suportohen nga linjat e kyreministrit brenda PD-së./ CNA





Lajmet e fundit nga