web counter
LEXO PA REKLAMA!

SHKARKO APP

App Store
Google Play

E fundit!

x

Rama instrumente të njëjta me ato të diktatorit/ Berisha: Ushtrojnë terror kur Bajrët shpalosin autokolona

26 Shkurt 2025, 19:07, Politikë CNA

Rama instrumente të njëjta me ato të diktatorit/ Berisha:

Kryetari i Partisë Demokratike, Sali Berisha në prezantim e programit të të përndjekurve politikë, ka thënë se Rama ka instrumente terrori të njëjta me ato të Enver Hoxhës. Berisha tha se sot nuk ka Sigurm Shteti, por terrori që ushtron autokolona e Bajrave në Shkodër është e njëjtë.

Megjithatë tha Berisha, dikur kishte një ligj mbi bazën e të cilit vepronin ndërsa sot nuk ka asnjë ligj. Kreu I PD e quajti gjenocid largimin e shqiptarëve nga vendi.

 

“Diktatori sot, nuk ka një Sigurim Shteti, siç kishte diktatori i dikurshëm. Por ka instrumente terrori të njëjta me ato që kishte diktatori i dikurshëm. Nuk ushtrojnë më pak terror Bajrët kur shpalosin autokolonat e tyre në Shkodër, se sa xhipat e Sigurimit të Shtetit. Nuk ushtrojnë më pak terror në Durrës, Xhevdet Troplini, apo i famshmi Poja, se sa dikur dega e Punëve të Brendshme. Por kishte një dallim ama. Dallimi në atë kohë ishte se kishte një ligj, që ata, ligji i keq, ligji i shkruar, mbi bazën e cilit vepronin. Sot nuk ka asnjë ligj. Ligjet janë krejt tjera. Ligjet janë në rregull. Janë ligje të një vendi demokratik, por ligjet shkelmohen.

Ligjet nuk respektohen. Ligji, është në kuptimin absolut vullneti i padrinos. Megjithatë, i gjithë ky gjenocid, kjo dhunë preku rreth 20% të popullatës. Kurse, ky gjenocidi i padrinos, i narkotrafikantit, ky në 10 vjet ka largua 45%. Spastrim etnik është ky. Gjenocid është”, tha Berisha./ CNA

 

 





Lajmet e fundit nga