web counter
LEXO PA REKLAMA!

SHKARKO APP

App Store
Google Play

E fundit!

x

Sulmet ndaj drejtësisë/ Basha: SPAK-ut t’i hanë atë që s’thuhet

26 Shkurt 2025, 13:58, Politikë CNA
Sulmet ndaj drejtësisë/ Basha: SPAK-ut t’i hanë atë
Lulzim Basha

Luli Basha ka reaguar mjaft i indinjuar për sulmet që po i bëhen drejtësisë nga Erion Veliaj dhe kryeministri Edi Rama.

Basha tha se asnjëri prej tyre nuk do të mund t’i bëjnë asgjë SPAK-ut, duke u shprehur “SPAK-ut i hanë atë që nuk thuhet”.

Madje thkeson Basha edhe Enver Hoxha po të ringjallej nuk do të mund t’i bënte asgjë SPAK-ut.

“Dosjet e politikanëve dhe kriminelëve të lidhur me njëri-tjetrin dhe të përfshirë në afera, ndodhen në Francë, Belgjikë, Gjermani, Britani dhe SHBA. Shërbimet e tyre sekrete janë të pranishme kudo në Shqipëri, pasi ata hetojnë grupet kriminale që përbëjnë kërcënim për vetë interesat e tyre.

As Rama, as Berisha, madje as Enveri po të ringjallej, nuk do të mund t’i bënte gjë SPAK-ut. Për ta thënë me fjalët që hallexhiu i kupton mirë, SPAK-ut i hanë atë që nuk thuhet.

Mesazhi i Ramës është të mbajë me gajret ata që janë frikësuar nga forca goditëse e ligjit dhe po distancohen prej tij, dhe për këtë i sjell në kujtesë Berishën, që premton shkrirje të SPAK-ut.

Është në dorë të qytetarëve të vendosin, nëse duan t’i japin një shans drejtësisë për t’i dhënë fund pandëshkueshmërisë ose të kthehet pas te të paprekshmit, që abuzojnë me fondet dhe pronat e tyre.

Shqipëria meriton më shumë", shkruan Basha./ CNA





Lajmet e fundit nga