web counter
LEXO PA REKLAMA!

SHKARKO APP

App Store
Google Play

E fundit!

x

Ligji i luftës me Greqinë/ Rama: Kemi marrëdhënie skizofrenike si fqinj

25 Shkurt 2025, 22:51, Politikë CNA

Ligji i luftës me Greqinë/ Rama: Kemi marrëdhënie

Kryeministri Rama i ftuar në televizionin grek MEGA është pyetur dhe për ligjin e luftës që është në fuqi mes Shqipërisë dhe Greqisë. Rama e ka quajtur marrëdhënien me Greqinë skizofrenike dhe tha se ligji i luftës duhet të shfuqizohet.

Kryeministri vijoi më tej duke u shprehur se është e rëndësishme për Shqipërinë demilitimi i zonës detare. Sa i përket Shqipërisë, Rama tha se nuk ka ndryshuar qëndrim.

 

“Sepse hyri diçka tjetër në mes. Siç e dini mirë, ne jemi shumë të ngjashëm. Ne kemi një thënie: Të djegësh jorganin për një plesht Mendoj se kemi humbur shumë nga vrulli i atij momenti. E nisëm shumë mirë kur Kyriaskos erdhi në qeveri. Ishte moment i mirë në kohë. Kishim pikëpamje shumë të përbashkët për thellësinë e rëndësinë e marrëdhënies tonë. Donim që të ecnim para me disa çështje të mbetura pezull. Për ne është e rëndësishme t’i jepet fund ligjit absurd të luftës. Ligjërisht jemi në luftë. Jo nuk është shfuqizuar dhe duhet të shfuqizohet.

Ajo çfarë ka ndodhur është se kemi nënshkruar një traktat miqësie por ligji është në fuqi. Kështu sipas traktatit jemi miq shumë të ngushtë por armiq sipas ligjit të luftës. Kjo është njëfarësoj marrëdhënie skizofrenike që kemi si fqinj. Ajo çfarë kemi diskutuar dhe kam thënë përherë dhe çfarë ka thënë përherë kryeministri juaj është se na duhet të pastrojmë të shkuarën. Për ne është e rëndësishme demilitimi i zonës detare. Është një çështje që duhet të zgjidhim. Kërkon që të dyja palët të ulen e punojnë e të mos shpërqëndrohen nga gjërat që ndodhin dhe të na mbajnë peng për një kohë të gjatë, por Shqipëria nuk ka ndryshuar qëndrim”, tha Rama./ CNA

 





Lajmet e fundit nga