web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e 11 majit/ Koalicioni LZHK-Djathtas 1912 kandidon me lista të hapura

25 Shkurt 2025, 19:17, Politikë CNA

Zgjedhjet e 11 majit/ Koalicioni LZHK-Djathtas 1912 kandidon me lista të

Bashkëkryetari i LZHK, Ekrem Spahiu ka njoftuar zyrtarizimin e koalicionit të partisë së tij me “Djathtas 1912” të drejtuar nga Enkelejd Alibeaj. 

Spahiu tha se koalicioni LZHK-“Djathtas 1912” në zgjedhjet e 11 majit do të marrë pjesë me listë të përbashkët të hapur të kandidatëve për deputetë. LZHK u bëri dhe njëherë thirrje partive për t’u bashkuar në koalicion sipas parimeve të vendosura nga LZHK.

 

“Ne i qëndrojmë bindjes tonë se, listat e përbashkëta të hapura garantojnë zgjedhjen e lirë të qytetarëve për të dërguar përfaqësuesit e tyre në Kuvendin e Shqipërisë ....

Deklaratë për mediat LZHK & Djathtas 1912

Lëvizja për Zhvillim Kombëtar & Djathtas 1912, në vijim të bashkëpunimit parlamentar dhe përpjekjes së përbashkët në Gjykatën Kushtetuese për rrëzimin e listave të mbyllura, shpallin sot aleancen në një koalicion zgjedhor për zgjedhjet e 11 majit 2025.

Ky bashkëpunim është fryt i vullnetit të përbashkët të dy partive tona për të marrë pjesë në zgjedhje me një listë të përbashkët të hapur kandidatësh për deputetë. Ne i qëndrojmë bindjes sonë të thellë se vetëm bashkëpunimi përmes listës së përbashkët të hapur garanton zgjedhjen e lirë të qytetarëve për të dërguar përfaqësuesit e tyre në Kuvendin e Shqipërisë.

Gjithashtu, përsërisim publikisht ftesën tonë të bërë që në dhjetor për çdo parti apo lëvizje që të bashkohemi në një listë të vetme të hapur, si mekanizmi më i mirë për të rikthyer kushtetutshmërinë, e cila mund të realizohet vetëm përmes parimit të “Votës Parapëlqyese”. LZHK & Djathtas 1912, i qëndrojnë ftesës për bashkëpunim me çdo subjekt politik që dakordësohet me këto parime:

1. Mbështetja ndaj SPAK dhe GJKKO në hetimin dhe gjykimin e korrupsionit dhe krimit të organizuar.

2. Orientimi perëndimor i Shqipërisë.

3. Vijimi i përpjekjeve për një Kod Zgjedhor me lista të hapura.

Gjithashtu, ftojmë çdo individ apo aktivist politik e civil që përqafon këto vlera t’i bashkohet kësaj gare elektorale, e cila është jetike për vendin.

Zgjedhjet e 11 majit do të ndajnë dy epoka: fundin e dominimit të paligjshmërisë dhe pandëshkueshmërisë, dhe nisjen e një rrugëtimi ku të sundojë ligji, gara e ndershme në çdo aktivitet politik e ekonomik, tregu i lirë dhe meritokracia. Koha për të vendosur është tani.

Duke mbetur të hapur për bashkëpunim dhe në zbatim të afateve të Kodit Zgjedhor për regjistrimin e subjekteve dhe koalicioneve politike, LZHK & Djathtas 1912 bien dakord që pozitat e secilit pjesëmarrës në koalicion të jenë të barabarta dhe të bazuara në mirëkuptim reciprok. Me dakordësinë e të dyja palëve, në pozicionin e garantit të procedurave tekniko-formale është zotni Dashamir Shehi.

Nga dita e sotme, nisim procedurat e kërkuara nga ligji. Ju faleminderit”, shkruan Spahiu./ CNA





Lajmet e fundit nga