web counter
LEXO PA REKLAMA!

SHKARKO APP

App Store
Google Play

E fundit!

x

Rama, në sulm ndaj drejtësisë/ Çfarë thotë për çështjen e Thoma Gëllçit

26 Shkurt 2025, 10:13, Politikë CNA

Rama, në sulm ndaj drejtësisë/ Çfarë thotë

Kryeministri Edi Rama, i pranishëm në dëgjesën ku u mblodh grupi parlamentar i Partisë Socialiste, u ndal gjatë te çështjet që kanë lidhje me drejtësinë. Ndër to, përmendi edhe rastin e ish-drejtorit të RTSH-së, Thoma Gëllçi, pasi fitoi çështjen në Gjykatën e Strasburgut.

Rama i ktheu përgjigje avokatit, duke thënë se avokatura është entitet sovran dhe nuk është në varësi të kryeministrisë.

Rama tha se një subjekt i drejtohet gjykatës europiane, pasi ka ezauruar rrugët e brendshme të ankimimit.

Rama u shpreh se avokatura është e detyruar të mbrojë organet dhe institucionet e republikës në Gjykatën Europiane.

“Demokracitë e kanë ndërtuar këtë sistem balancimi.

Do t’i kthej përgjigje avokatit dhe atyre që vënë në pikëpyetje avokaturën e shtetit.

Është entitet sovran.

Dhe nuk është vartësi e kryeministrisë.

Nuk është i qeverisë.

Kur një subjekt i drejtohet gjykatës europiane, me kërkesë pasi ka ezauruar rrugët e brendshme të ankimimit.

Avokatura është e detyruar të mbrojë organet dhe institucionet e republikës atje.

Si ndodh që unë t'i them avokatit të shtetit të shkojë atje dhe të thotë që Thoma Gëllçi është viktimë e sistemit të drejtësisë?

Kjo është fryma dhe filozofia e atyre që Shqipërinë e duan vetëm për vete dhe kur nuk ndodh janë gati ta shesin në çdo pazar të Europës”,- tha Rama./CNA

.





Lajmet e fundit nga