web counter
LEXO PA REKLAMA!

SHKARKO APP

App Store
Google Play

E fundit!

x

Rama 'kapet' duke mashtruar: Nuk bëjmë dëgjesa me persona nën hetim

26 Shkurt 2025, 09:23, Politikë CNA

Rama 'kapet' duke mashtruar: Nuk bëjmë dëgjesa me

Kryeministri Edi Rama është kapur duke mashtruar. Sot në dëgjesën publike me rektorin e UBT-së, Fatbardh Sallaku, tha se nuk bën dëgjesa me persona nën hetim.

Kryeministri Rama gënjen, pasi mjafton të kujtojmë mbledhjen e 12 shkurtit, ku zhvilloi një dëgjesë me kryetaren e Komisionit të Ligjeve, Klotilda Bushka, e cila është nën hetim nga SPAK-u, ku dyshohet për veprën penale “Veprime që pengojnë zbulimin e së vërtetës”.

SPAK-u shprehej se ekzistojnë të dhëna konkrete të cilat të çojnë te dyshimi i arsyeshëm se personi nën hetim deputetja Klotilda Bushka ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024.

Pra qartësisht Rama gënjen kur thotë se nuk bën dëgjesa me persona që janë nën hetim, pasi kemi rastin e Bushkës, të cilën e mbrojti njësoj si Veliajn. 

“Kur kemi folur, jam siguruar që nuk jeni person në hetim. Nuk japim hapësirë për dëgjesa me persona në hetim.

Përpara se ju të kandidonit, i keni drejtuar një letër SPAK-ut nëse kandidimi do të kishte ndonjë pengesë dhe përgjigjja ka qenë që mund të vazhdoni.

Shqetësimi për fajësinë apo pafajësinë e personave lidhet me nxitimin për të deklaruar 24 personat në masë sigurie.

Gjëja e parë kur kam marrë këtë lajm është se çfarë do të mendojnë partnerët austriakë kur ta dëgjojnë.

Është numër marramendës për një çështje",- tha Rama./CNA 





Lajmet e fundit nga