web counter
LEXO PA REKLAMA!

SHKARKO APP

App Store
Google Play

E fundit!

x

Java e fundit e regjistrimit të diasporës/ Balla: Bëhuni pjesë e vizionit europian

26 Shkurt 2025, 17:47, Politikë CNA

Java e fundit e regjistrimit të diasporës/ Balla: Bëhuni

Drejtuesi i PS për Diasporën, Taulant Balla ka ndarë një videomesazh ku u bën dhe njëherë thirrje emigrantëve për t’u regjistruar për zgjedhjet e 11 majit, në 6 ditët e mbetura.

Balla tregon dhe një model se si të bëhet aplikimi dhe të vendoset adresa e saktë, referuar dhe pengesave që ka hasur Diaspora.

“Numrat deri më tani janë shumë të mirë, përtej të gjitha pritshmërive, por kemi kohë, janë te paktën përveç ditës së sotme, edhe 6 ditë të tjera që mund të shfrytëzohen prej jush për t’u regjistruar si votues nga jashtë

Këtu kam një kopje të një karte identiteti italiane për të vendosur adresën e qëndrimit në Itali. Aplikimi nuk do të kishte asnjë problem dhe do të miratohej nëse do të vendosnit faqen mbrapa, ku ndodhet adresa e personit dhe natyrshëm edhe emri.

Por bashkatdhetarët tanë vendosin faqen e parë, ku ne te vertet eshte emri dhe fotografia juaj, por në faqen e parë të kartës së identitetit italiane nuk ndodhet adresa. Prandaj, ju lutem,  ju që është refuzuar aplikimi, mjafton të rivendosni vetëm faqen e mbrapme të kartës së identitetit italiane. Për të gjithë të tjerët, kryesisht çështja e adresës mbetet një prej arsyeve kryesore të refuzimit. Mos harroni asnjëherë që adresa e dokumentit që vendosni, që mund të jetë një faturë furnizimi me energji elektrike, furnizimi me ujë të pijshëm, furnizimi me internet, gaz apo gjithcka  tjetër, duhet të korrespondojë me adresën që vendosni në fund të aplikimit, që është edhe adresa në të cilën Komisioni Qendror i Zgjedhjeve do t’ju dërgojë me postë fletën e votimit.

Prandaj, të dashur motra dhe vëllezër, edhe 6 ditët që kanë mbetur, përveç ditës së sotme, duhen përdorur  maksimalisht prej jush për t’u regjistruar si votues nga jashtë. Është një moment historik për Shqipërinë tonë të përbashkët, ndërsa përgatitemi për që mandatin tonë të ri që fillojmë së bashku më 11 maj. Ta bëjmë Shqipërinë anëtare të Bashkimit Europian dhe një pjesë e madhe prej jush që nderkohë  jetoni si anëtarë të Bashkimit Europian në vendet përkatëse, keni mundësinë e artë që të bëheni pjesë e vizionit tonë për Shqipërinë 2030, duke votuar dhe mbështetur Partinë Socialiste dhe Edi Ramën.

Ju përshëndes! Mos harroni, vendosni faqen e duhur të dokumentit dhe kështu do të regjistrohen”, tha Balla. CNA





Lajmet e fundit nga