web counter
LEXO PA REKLAMA!

SHKARKO APP

App Store
Google Play

E fundit!

x

Dëgjesa për rektorin e UBT-së/ Gjikondi: Ishte e panevojshme, Rama ka humbur qetësinë

26 Shkurt 2025, 15:09, Politikë CNA

Dëgjesa për rektorin e UBT-së/ Gjikondi: Ishte e panevojshme,

Juristja Brizida Gjikondi tha sot se dëgjesa me rektorin e UBT-së Fatbardh Sallaku me grupin e PS-së dhe në prani të kryeministrit Edi Rama, ishte e panevojshme.

Gjikondi tha se nuk është i pandehur, por person nën hetim, duke iu referuar hetimeve të SPAK dhe 24 masat e sigurisë të lëshuara për stafin e universitetit, pas dyshimeve për abuzim me tenderë.

Në një intervistë televizive, Gjikondi tha se masat e sigurisë, janë përgjegjësi personale e çdo individi.

 “Mendoj që zoti Rama ka humbur qetësinë, janë deklarata dhe mbledhje të panevojshme. Zhgënjen në rrugëtimin deri më tash, po bën në limite të antikushtetueshmërisë. Është jo e denjë për të majtën shqiptare, nuk mund të zëvendësojë zoti Rama as gjykatën dhe as prokurorinë shqiptare. Si për çështjen e zonjës Klotilda Bushka, por sidomos për çështjen e rektorit, ndoshta zoti Rama nuk ka këshilltarët e duhur, për t’i thënë që zoti rektor është në hetim, nuk është i pandehur. Ka hallka dhe shkallë ankimi ku mund të rrëzohen. Kushdo personazh në hetim nga drejtësia shqiptare, mund të kërkojnë dëgjesa, por nuk mund të dëgjosh kërkesë për imunitet politik nga drejtësia. Ose je me të drejtën, ose nuk je me të drejtën. Nuk ka asnjë masë ndalimi pa gjyq. Personat nën hetim nuk janë të pandehur, janë nën hetim”,- tha Gjikondi./CNA





Lajmet e fundit nga