web counter
LEXO PA REKLAMA!

SHKARKO APP

App Store
Google Play

E fundit!

x

Pse Basha e regjistroi partinë në emër të Hasës?/ Jupi: Zgjedhja është teknikalitet juridik

26 Shkurt 2025, 14:19, Politikë CNA

Pse Basha e regjistroi partinë në emër të Hasës?/ Jupi:

Zyrtarja e partisë “Demokratët Euroatlantikë”, Taulanda Jupi, tha sot se demokratët euroatlantikë, janë për një front opozitar, që bashkon të gjitha flukset opozitare me synim arritjen e fitores në zgjedhjet parlamentare të 11 majit.

Në një intervistë, Jupi tha se është moment i rëndësishëm, për mënyrën se si forcat politike opozitare po afrohen drejt koalicioneve.

Sa i përket arsyes se përse Lulzim Basha e regjistroi partinë në emër të ish-deputetit të PD-së Endri Hasa, Jupi tha se zgjidhja për regjistrim me Edi Hasën, është për një teknikalitet juridik, se Basha është drejtues dhe do të garojë në Tiranë.

“Ne do të jemi në zgjedhjet e 11 majit, por janë dhe disa dinamika që zgjojnë vëmendje. Është moment i rëndësishëm, për mënyrën se si forcat politike opozitare po afrohen drejt koalicioneve.

Edhe unë e kam kërkuar këtë nga të gjitha flukset opozitare. Kam kontaktuar me mjaft drejtues të partive të opozitës. Përtej retorikës politike, ata kanë përgjegjësinë që t'u ofrojnë qytetarëve një alternativë të besueshme. Ne na bëjnë bashkë shumë gjëra si: të jemi në krah të SPAK, listat e hapura, të jemi aleatë me BE, SHBA dhe Britaninë e Madhe.

Nuk duhet të ndalojmë tek emrat. Basha vijon betejën juridike, por zgjidhja për regjistrim me Edi Hasën, është për një teknikalitet juridik. Basha është drejtues dhe do të garojë në Tiranë”, -tha Jupi./CNA

 





Lajmet e fundit nga