web counter
LEXO PA REKLAMA!

SHKARKO APP

App Store
Google Play

E fundit!

x

Veliaj vazhdon këngën/ Fajin ma ka Saliu

26 Shkurt 2025, 15:38, Politikë CNA

Veliaj vazhdon këngën/ Fajin ma ka Saliu

Erion Veliaj, në një reagim tjetër nga paraburgimi, vazhdon të njëjtën këngë. Fajin për burgosjen e tij e ka Saliu. Me kërcënimet e fyerjet ndaj prokurorit Dado, thotë se shkak për arrestimin e tij është bërë Sali Berisha dhe jo korrupsioni apo aferat që Veliaj ka bërë në Bashkinë e Tiranës.

“Momentalisht, përndjekësi i familjes sime për llogari të Sali Fundërrinës, Ols Dado, fytyrën e të cilit ju e patë vetëm një fraksion minuti në replikat e turpshme në thertoren e Erion Banit, më ka ndaluar çdo takim e komunikim. Kam vetëm këto pusulla ditore me avokatët, deri ditën kur do mund t’ju përqafoj të gjithëve ju, e të merrem me zë e me figurë me këta burra të paburra”, shkruan Veliaj.

 

Veliaj numëron aferat e pretenduara të Berishës, por mohon të tijat, që tashmë janë të vërtetuara, të hetuara dhe kanë dalë në dritë pas hetimit voluminoz të prokurorit Ols Dado, të zbardhur nga gjyqtari Bani.

“Ish-kryebashkiaku” tashmë në paraburgim merr përsipër të japë verdiktin për statusin juridik të Berishës pa pasur vendime gjykate, kur është ai që ka rreth dy javë që pretendon se mbahet brenda pa vendim gjykate.

“Disa më çojnë porosi që ta ul pak gjuhën, jo se prokurori ndërtues hakmarrës nuk e meriton, përkundrazi, por që “të mos çmëndet më keq dhe ta punon më keq”. Jo se adashi kasap s’e meriton, por që “të mos të të qepet më keq se e ka ves të keq”.  Po çfarë mund të më bëjnë më shumë? Të më dënojnë me vdekje? Se në burg jam e jam! Olsi nuk më hetoi, po më hyri nga vrima e çelësit në jetën time dhe në fustanët e gruas time, me një LETER ANONIME që s’është çudi ta ketë shkruar vetë ose ta ketë marrë të shkruar nga maniakët e Sali Fundërrinës!

Ore a e keni dëgjuar ndonjëherë vrasësin e 21 janarit dhe Remzi Hoxhës, kriminelin e Gërdecit, burgosësin e liderit të opozitës, zjarrvënësin e gazetës “Koha Jonë”, druvarin mbi kurrizin e opozitarëve dhe gazetarëve, hajdutin e zgjedhjeve të 1996-ës, 2009-ës dhe 2011-ës në Tiranë, bashkëthemeluesin e piramidave me Suden dhe Vebi Alimuçën, pompistin e naftës së Millosheviçit, besëprerin e Azem Hajdarit, gllabëruesin e Klubit Partizani, shokun e idealeve të Rezar Taçit dhe grepsin e lekëve të fëmijëve autikë, pra mender jush, Sali Këllirë Berishën, që t’i kërkojë falje ndonjërit nga 10 mijë viktimave të qenefit të gojës së tij”, thotë Veliaj.

 

Kryebashkiaku i arrestuar për afera me qindra mijëra euro, vijon të mohojë pronësinë e aseteve, që sipas dosjes hetimore me fakte dhe prova janë të Veliajt. Veliaj vazhdon justifikimet dhe gjuhën intimiduese ndaj prokurorit dhe provat e nxjerra e zeza mbi të bardhë i quan letra anonime. Kryebashkiaku pretendon se makina e shitur nga Ajola Xoxa te kushëriri i saj Valmir Xoxa, ka qenë e vjehrrit të tij.

 

“Pronari i parë i makinës është në varrezat e Tufinës prej 6 vitesh - i kam thënë Olsit, le të vejë ta pyesë aty. Saliu ka eksperiencë zhvarrimesh. T’ia bëjë këtë nder pitbullit të tij. Unë vetë kam lëvizur me biçikletë, jo Range të kuq si Ols kingu, një rraqexhi vanitoz, pesanjos dhe karagjoz. Ndaj, edhe njëherë, për të gjithë ata që “bezdisen” nga gjuha ime. Ju lus të kuptoni që jam në burg, me një letër anonime, një prokuror hajvan dhe një gjykatës taleban”, vijon kryebashkiaku./ CNA

 

 





Lajmet e fundit nga