web counter
LEXO PA REKLAMA!

SHKARKO APP

App Store
Google Play

E fundit!

x

Kandidon në Primaret e PD-së/ Mesazhi i Grigels Muçollarit për zgjedhjet

27 Shkurt 2025, 08:05, Politikë CNA

Kandidon në Primaret e PD-së/ Mesazhi i Grigels Muçollarit

Anëtari i Kryesisë së PD-së, Grigels Muçollari, ka njoftuar se kandidon në Primaret e Partisë Demokratike.

Në një masazh në rrjetet sociale, Muçollari ka ndarë pak nga nisja e angazhimit të tij në PD dhe vlerat e partisë.

Muçollari, që kandidon në Primaret për Qarkun e Tiranës, u shpreh se do ta përfaqësojë me dinjitet Partinë Demokratike, që më 11 maj të sjellë ndryshim në Shqipëri.

“Të dashur miq demokratë, të rinj e të reja, themelues dhe kontribues në vite, unë jam Grigels Muçollari dhe e kam nisur rrugëtimin tim në këtë parti të madhe në moshën 17 vjeçare.

Bashkë me ju jemi rritur në këtë forcë politike, me vlerat e saj, si liria e të drejtat e njeriut, dinjiteti, konkurrenca e ndershme, dashuria për familjen e për kombin.

Partia Demokratike, ka ecur gjithnjë mes furtunave, dhe mes uljeve dhe ngritjve të saj ajo ia ka dalë t’i shërbejë vendit.

Mos harroni, Shqipëria ka arritur disa prej majave të saj, me Partinë Demokratike dhe ndjej krenari që kam qenë pjesë e këtij rrugëtimi.

Kemi nisur me ngjitje posterash, organizim takimesh e protestash, me lajmërime e fushata derë më derë.

Kemi marrë pak nga pak edhe më shumë përgjegjësi, ashtu siç duhet të jetë.

Duke iu nënështrua gjithnjë votës, pëlqimit të demokratëve.

Mbështetja e anëtarësisë është për mua guri i themelit dhe rregullatori më i mirë në një parti politike.

Ndaj sot, jam këtu për të kërkuar votën e demokratëve në Tiranë.

Primaret tona do të bëhen të shtunën më 1 mars.

Le të marrim pjesë masivisht e të japim një shëmbull të mirë për shoqërinë.

Është koha për të hedhur një hap më shumë.

Dhe unë dua ta përfaqësoj me dinjitet Partinë Demokratike, të luftoj për atë që bashkë kemi qendruar, që më 11 maj të sjellim ndryshim në Shqipëri",-tha Muçollari./CNA 





Lajmet e fundit nga