web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet Kuvendi/ Çfarë pritet sot nga seanca plenare

27 Shkurt 2025, 09:35, Politikë CNA

Mblidhet Kuvendi/ Çfarë pritet sot nga seanca plenare

Kuvendi i Shqipërisë zhvillon sot seancën plenare të radhës, ku do të diskutohen dy aktet normative të Këshillit të Ministrave.

Aktet synojnë shtyrjen e vlefshmërisë së dokumenteve të identifikimit të shtetasve shqiptarë që jetojnë dhe punojnë jashtë vendit deri në fund të muajit maj.

Shtyrja e vlefshmërsië se letërnjoftimeve dhe pasaportave të skaduara deri më 31 maj 2025, bëhet për t’u mundësuar emigrantëve pjesëmarrjen në zgjedhjet e 11 majit.

Miratimi i këtij propozimi do të mundësojë pjesëmarrjen e votuesve nga jashtë territorit të Republikës së Shqipërisë, që do të mund të regjistrohen në platformën PER deri më datë 4 mars për të votuar me postë në zgjedhje.

Gjithashtu, Kuvendi do të shqyrtojë sot edhe projektvendimin që parashikon një shtesë prej 80 punonjësish me kohë jo të plotë pune në Komisionin Qendror të Zgjedhjeve, për të përballuar fluksin e madh të regjistrimeve të shtetasve shqiptarë për të votuar nga jashtë vendit.

Në seancën e sotme Kuvendi do të shqyrtojë edhe projektvendimin për zgjedhjen e Komisionerit për Mbrojtjen dhe Diskriminimin./CNA 

 





Lajmet e fundit nga