Shqipëria në Kongresin Amerikan/ Zhulali: Përmendet për lidhje korruptive, për ndikimin e Sorosit në Shqipëri dhe për goditjen e Berishës

27 Shkurt 2025, 19:34, Politikë CNA

Shqipëria në Kongresin Amerikan/ Zhulali: Përmendet për

Drejtuesja e Departamentit të Politikës së Jashtme në PD, Ilda Zhulali e ftuar në emisionin “Task Forcë” në SYRI TV ka folur për diskutimet e bëra dje në Kongresin Amerikan dhe përmendja e Shqipërisë. Zhulali tha se nuk është rastësi përmendja e Shqipërisë sin ë Kongres ashtu dhe në mediat kryesore amerikane.

Shqipëria vijon Zhulali, pëqrmendet për lidhjet korruptive, ndikimin e Sorrosit dhe goditja ndaj opozitës dhe kreut të PD, Berisha. Zhulali u shpreh se këto nuk janë propagandë, por pjesë e një procesi që do të shkojë shumë thellë.

"Në Kongresin Amerikan nuk paraqitet dot çdo njeri, pra nuk mund të vijë një gazetar i rëndomtë nga rruga dhe të ftohet aty dhe të flasë.
Aty vijnë njerëz të cilët vijnë për të dëshmuar, për të raportuar dhe mbajnë përgjegjësi për ato që thonë, pra nuk janë thjesht deklarata, hamendësime apo shashka që hidhen për propagandë. Gazetari që ju i referoheni nuk është thjesht një gazetar, ai është autor i një libri që quhet The Woketopus.

Woketopus, që do të thotë “oktapodi me kokën e agjendës woke”, të majtë.
Në librin e tij, që është një nga bestsellerët në Amerikë, ai bën një hulumtim të gjerë duke treguar sesi elita amerikane e lidhur me të majtën, pra e majta, me një agjendë radikale ka përdorur dhe burokratët që janë në zyrat federale të qeverisjes, duke krijuar atë që quhet “shteti i nëndheshëm” për të vendosur agjendën e majtë radikale.

Nuk është e rastësishme që Shqipëria po përmendet kaq shumë në Amerikë dhe jo vetëm sot dhe jo vetëm në Kongres.
Është bërë një kohë e gjatë që Shqipëria zë vend në lajmet kryesore në mediat kryesore amerikane dhe zë vend pikërisht për këto: për lidhje korruptive, për ndikimin e Sorosit në Shqipëri dhe për të gjitha ndikimet që ka pasur në Shqipëri për të goditur opozitën dhe liderin e opozitës, Sali Berisha. Këto janë të njëpasnjëshme dhe të gjitha forcojnë njëra-tjetrën, kështu që nuk janë as pjesë e një propagande, por janë pjesë e një procesi i cili na paralajmëron se do të shkojë shumë thellë dhe me shpejtësi", tha Zhulali./ CNA