web counter
LEXO PA REKLAMA!

SHKARKO APP

App Store
Google Play

E fundit!

x

“I kemi thënë drejtësisë ha trupin tim edhe nëse kafshon gabimisht”/Rama: S’duam drejtësi si në Rusi

27 Shkurt 2025, 18:12, Politikë CNA

“I kemi thënë drejtësisë ha trupin tim edhe nëse

Kryeministri Edi Rama në një takim me asambletë në Tiranë ka folur sërish për drejtësinë dhe arrestimin e Veliajt. Rama vijon të thotë se arrestimi i kryebashkiakut u bë pa gjyq dhe është kthyer në një telenovelë mediatike. Arrestimin e Veliajt, kryeministri e quajti një gabim tragjik të drejtësisë.

“Kemi dashur që Shqipëria të futej në sprovën e një drejtësie të pavarur. Të kishim një drejtësi të pavarur që lufton dhe me hajdutët brenda nesh. Qëllimi ka qenë të bëjmë Shqipërinë anëtare të BE dhe t’u japim një shanc brezave që vijnë të kenë një drejtësi të pavarur. Nuk ka pasur kurrë Shqipëria një rast të vetëm që një njeri apo një i zgjedhur të merret nga një gjykatës e prokuror e të hetohet apo dënohet. Lërë me pastaj të bëhet telenovelë në media, apo të linçohet e dënohet pa gjyq.

Në këtë proces ka gjëra që nuk shkojnë, por në 5 vjet kemi shtrënguar dhëmbët se pavarësia ka qenë kryesorja. Nuk është vetëm pavarësia, është dhe profesionalizmi. Duam drejtësi europiane jo si në Rusi. Duam drejtësi të formës së prerë jo drejtësi pa gjyq. I kemi thënë drejtësisë ha trupin tim edhe nëse kafshon gabimisht. Kafshimet gabim të drejtësisë janë tragjedira”, tha Rama.

 

Kryeministri Rama ka thumbuar sërish opozitën dhe mediat, duke i quajtur buf, zhaba dhe zhapikë, referuar lajmeve dhe akuzave për sulmet e tij ditëve të fundit ndaj drejtësisë.

 

“Nuk është parimi të gjithë janë të fajshëm dhe hajde të provojmë që është i pafajshëm. Nuk kanë asnjë mënyrë tjetër për të na mundur. Sot ulërasin lloj lloj specie të kënetës politike e mediatike që ne po kërcënojmë SPAK. Ndërsa bufi kënetës me zhabat e zhapikët vazhdon çon denoncime te SPAK. Nëse drejtësia është shpata, rolin kryesor të shpatës e ka prokuroria. Drejtësia nuk është vetëm shpatë është dhe peshore. Drejtësia duhet të jetë e verbër, nuk duhet të shohë kush e ka statusin social më të lartë e kush më të ulët. Shpatën sot drejtësia e ka se ia dhamë. Ishte shpata me të cilën pushteti i rrinte mbi kokë drejtësisë”, u shpreh kryeministri./ CNA





Lajmet e fundit nga