web counter
LEXO PA REKLAMA!

SHKARKO APP

App Store
Google Play

Haxhiu: Rrëfimet në Kongresin Amerikan vërtetuan fjalët e Berishës që burgosja e tij është produkt i Sorosit

27 Shkurt 2025, 23:01, Politikë CNA

Haxhiu: Rrëfimet në Kongresin Amerikan vërtetuan fjalët e

Analisti Baton Haxhiu, i ftuar në një lidhje direkte në emisionin “Çim Peka Live”, u ndal te rëndësia e diskutimeve në Kongresin Amerikan ku theksoi se ky Kongres ka filluar të trajtojë një narrativë që mund të ndikojë në zhvillimet e ardhshme politike. Haxhiu ka vënë theksin tek gjuha që po përdoret, e cila, sipas tij, ka një ndikim të fortë në opozitë dhe në formësimin e fjalorit të liderit të Partisë Demokratike, Sali Berisha.

Ai ka shtuar se ky rrëfim është i pari i këtij lloji, por ndikimi i tij mund të shkojë përtej veprimeve konkrete. Sipas Haxhiut, edhe pse kongresi nuk ka marrë vendime formale, ai mund të ketë një ndikim të madh në fushatën zgjedhore. Haxhiu ka theksuar se ky rrëfim mund të jetë një element kyç për fushatën zgjedhore të ardhshme.

 

"Fakti që kongresi ka filluar dhe ka nisur rrëfimin se këto para janë përdorur dhe përmend specifikisht Sali Berishën, unë mendoj se ky është rrëfimi i parë, por ajo që do të ndikojë seriozisht ndoshta më shumë sesa veprimet konkrete është gjuha e cila e parashtërmeron opozitën pastaj e legjitimon fjalorin e Sali Berishës për të kaluarën dhe rrëfimin e tij.

Sepse kjo ndryshe interpretohet nga popullata e zakonshme kur e dëgjojnë se nga kongresi, edhe pse s’ka asnjë vendim, edhe pse është rrëfimi i parë ose nuk ka pasoja për momentin, prapë se prapë kjo është ndihmëse për narracionin e fushatës, sepse e gjitha çka ka ndodhur është ajo që ka rrëfyer Berisha për tre vjet që burgosja e tij është produkt i Sorosit dhe njerëzve të tij.
Ky rrëfim në kongres, unë mendoj se Partia Demokratike dhe Sali Berisha do ta përdorin si një rrëfim për një të vërtetë që do t’iu duhet për fushatën zgjedhore", tha Haxhiu/ syri.net.





Lajmet e fundit nga