web counter
LEXO PA REKLAMA!

SHKARKO APP

App Store
Google Play

"Ndihmojmë të rinjtë dhe studentët"/ Muçollari: Programi për Rininë i PD-së është gjithpërfshirës

2 Prill 2025, 15:57, Politikë CNA

"Ndihmojmë të rinjtë dhe studentët"/

Kandidati për deputet i Partisë Demokratike, Grigels Muçollari tha sot se Programi për Rininë i PD-së është gjithpërfshirës sepse është menduar për të rinj që kërkojnë punë, të rinjtë që kanë biznes, por edhe të rinjtë që janë prindër. Prezantimi u bë sot në ambientet e Amfiteatrit, në Universitetin e Arteve, ku po ndahet me qytetarët Programi për Rininë i Partisë Demokratike dhe Aleancës për Shqipërinë Madhështore.

Gjatë fjalës së tij,  Muçollari tha se programi i dedikohet të rinjve dhe është bërë me specialistë të huaj dhe shqiptarë.

Muçollari u shpreh se PD synon të jepen 200 euro në muaj si minimum jetik për studentët.

Muçollari shtoi se kjo është një zgjidhje që është dhënë tashmë nga Qeveria e Kosovës.

“Kam emocion të veçantë sepse 4 vite më parë u mblodhëm si të të rinj, por edhe mbështetës të PD-së. 4 vite më parë u bë gjithçka për të rrënuar PD-në. Kjo u bë në mënyrë të ligjshme e të paligjshme, madje edhe me lobime jashtë vendit.

Nuk na merrni dot lirinë, për të vendosur dhe për të shpresuar të ndryshimi. Ndihem krenar për çdo të ri e të re të PD-së. Ne zgjodhëm Berishën si liderin e PD-së.

Programi i dedikohet të rinjve, i bërë me specialistë të huaj dhe shqiptarë. Është për të rinj që kërkojnë punë, të rinjtë që kanë biznes, por edhe të rinjtë që janë prindër.

Problemi kryesor i studentëve ka lidhje me orët e punës që ata kryejnë dhe ne propozojmë zero taksë arsimi. Do jepen 200 euro në muaj si minimum jetik për studentët.

Qeveria e Kosovës e ka dhënë këtë zgjedhje. Kjo bëhet që studentët të kthehen në profesionistë të rinj dhe tu fokusohen studimeve./CNA





Lajmet e fundit nga