web counter
LEXO PA REKLAMA!

SHKARKO APP

App Store
Google Play

E fundit!

x

Raporti i SPAK-ut për vitin 2024/ Shtohet numri i procedimeve penale dhe personave nën hetim

2 Prill 2025, 15:26, Politikë CNA

Raporti i SPAK-ut për vitin 2024/ Shtohet numri i procedimeve penale dhe

Zbardhen detaje nga raporti i SPAK-ut për vitin 2024 të depozituar në Kuvend.

Në raport thuhet se janë rritur me rreth 18.8% regjistrimet e procedimeve penale për ngjarje që lidhen me luftën kundër krimit të organizuar. SPAK thekson në raport se është rritur edhe numri i personave nën hetim nga këto procedime, me rreth 21.6%.

Në këtë raport shkruhet se presioni dhe ndërhyrjet e jashtme cenojnë pavarësinë dhe efektivitetin në hetime, si edhe integritetin e prokurorëve.

Në raportin e SPAK-ut të depozituar në Kuvend, trajtohet edhe një çështje e lidhur me funksionimin e brendshëm të këtij institucioni, që ka të bëjë me mospërcaktimin ligjor për statusin e prokurorëve të posaçëm pas përfundimit të mandatit të tyre.

“Lufta kundër krimit të organizuar edhe për këtë vit, krahasuar me vitin paraardhës, ka shënuar arritje të rëndësishme me një rritje prej rreth 18,8% të regjistrimeve të këtyre procedimeve penale. Po kështu, është rritur edhe numri i personave të cilët janë nën hetim për këto procedime me rreth 21,6%, krahasuar me vitin 2023. Nga ana tjetër, ka një rënie me rreth 7,3% të çështjeve të dërguara për gjykim për shkak të volumit dhe kompleksitetit të tyre.

 “Presioni i jashtëm nga krimi i organizuar, aktorë politikë dhe mediatik, i cili cënon pavarësinë e tij kushtetuese dhe efektivitetin në hetime. Ndërhyrjet e jashtme rrezikojnë gjithashtu, integritetin e prokurorëve dhe të procesit hetimor. Për të garantuar pavarësinë e SPAK-ut, si dhe mbështetje për prokurorët në çështje të ndjeshme, nevojitet një reagim më i koordinuar dhe në kohë i të gjitha institucioneve, të cilat kanë përgjegjësinë e mbrojtjes së integritetit të SPAK.

“Vijimi i mungesës së përcaktimit të qartë ligjor në lidhje me statusin e prokurorëve të posaçëm pas përfundimit të mandatit të tyre. SPAK konstaton se, kjo problematikë nuk është adresuar ende dhe thekson se mos përcaktimi i qartë i këtij statusi mund të cenojë vijimësinë e ruajtjes së standardeve të larta profesionale të hetimit, të kërkuara nga publiku, Kuvendi, Këshilli i Ministrave dhe institucionet ndërkombëtare. Siç është nënvizuar edhe në raportin vjetor të SPAK për vitin 2023, nga mungesa e një statusi të qartë të prokurorëve të posaçëm do të cenohej gjithashtu dhe vazhdimësia e hetimeve të rëndësishme të kryera nga SPAK”,-shkruhet në raport./CNA





Lajmet e fundit nga