web counter
LEXO PA REKLAMA!

SHKARKO APP

App Store
Google Play

“Dialogu social është i rëndësishëm për politikën”/ Ambasadori Gonzato: Mungon sistemi i bazuar te merita

3 Prill 2025, 11:16, Politikë CNA

“Dialogu social është i rëndësishëm për

Ambasadori i Bashkimit Europian në Tiranë, Silvio Gonzato, tha sot se dialogu social luan rol në Shqipëri dhe është pjesë e rëndësishme e politikave sociale dhe të punësimit, që janë edhe pjesë e grup-kapitullit nr. 3 që do të çelet shumë shpejt.  

Gonzato mori pjesë në takimin ‘Dialogu social në vendet e Ballkanit Perëndimor’. 

Në fjalën e tij, Gonzato theksoi se të rinjtë shpesh janë të shqetësuar për të ardhmen dhe kjo sjellë dëshirën për të emigruar sepse kanë pasiguri për punën, kjo mund të vijë edhe prej punësimit informal.

Gonzato tha se në Shqipëri mungon një sistem që bazohet te merita.

"Dialogu social luan rol në shëndetin e Shqipërisë dhe është pjesë e rëndësishme e politikave sociale dhe të punësimit që janë edhe pjesë e grup-kapitullit numër 3 që do të çelet shumë shpejt. Dialogu social nuk është i rëndësishëm vetëm për anëtarësimin, por edhe për kohezionin. Të rinjtë shpesh janë të shqetësuar për të ardhmen dhe kjo sjell dëshirën për të emigruar sepse kanë pasiguri për punën, kjo mund të vijë edhe prej punësimit informal, nuk paguhen ditët kur nuk janë mirë me shëndet. Shqetësim tjetër është cilësia e arsimit. Por edhe korrupsioni është pengesë e madhe për të rinjtë që të realizojnë ëndrrat. Mungon një sistem që bazohet te merita. Na duhet një dialog social dhe domethënës. Shpesh OJQ-të janë në pozitë më të mirë se zyrtarët për të folur me të rinjtë. BE-në e keni në krah për t'ju ndihmuar me punësimin dhe dialogun social, përmes planit të rritjes që adreson çështjet socio-ekonomike në Shqipëri, por në Ballkanin perëndimor në tërësi",-tha Gonzato./CNA

 





Lajmet e fundit nga