web counter
LEXO PA REKLAMA!

SHKARKO APP

App Store
Google Play

“Dyfishojmë buxhetin për sportin”/ Berisha: Ta çlirojmë nga mafia qeveritare

2 Prill 2025, 18:57, Politikë CNA

“Dyfishojmë buxhetin për sportin”/ Berisha: Ta

Sot në Tiranë u prezantua Programi për Sportet i Partisë Demokratike për Shqipërinë Madhështore. I pranishëm ishe edhe kreu i PD-së, Sali Berisha.

Berisha theksoi se në planin e PD-së, së pari sporti do të çlirohet nga mafia qeveritare. Në fjalën e tij, Berisha tha se PD synon që buxheti për sportin të dyfishohet.

Berisha u shpreh se sporti do të ketë ligjin e vet dhe do të garantohen me ligj të gjitha burimet, investimet dhe sponsorizimet e sektorit privat në këtë fushë.

Berisha shtoi se PD-ja e konsideron si sektor shumë të rëndësishëm sportin dhe edukimin sportiv dhe do të jenë shtyllë kryesore e sistemit arsimor.

“Në programin që ka hartuar Departamenti i Sportit, strategjia e sportit kombëtar, së pari sporti çlirohet nga mafia qeveritare.

Në çdo diktaturë, politika është aleat i sportit.

Sporti do të ketë ligjin e vet dhe do të garantohen me ligj të gjitha burimet e pastra dhe transparente, të gjitha investimet dhe sponsorizimet e sektorit privat.

Buxheti për sportin do të dyfishohet.

Shanset e barabarta në raport me shtetin të klubeve sportive janë të domosdoshme për një garë fisnike brenda dhe jashtë vendit.

Mafia qeveritare në sport është problematike edhe në pazaret që bëhen pas perdeve, në ato që quhen shitje dhe blerje.

Ligji do tu japë përgjigjen më të rreptë.

PD konsideron si sektor shumë të rëndësishëm sportin dhe edukimin sportiv si të pandarë me njëri-tjetrin.

Do të jenë shtyllë kryesore e sistemit tonë arsimor.

Është e njohur se çfarë rëndësie ka në suksesin e individit përgatitja fizike dhe psikologjike dhe këto lidhen me sportin.

Degët e sportit do të gjejnë mbështetje dhe stimul duke u shpërblyer pa i militarizuar për të gjithë meritën që kanë”,-tha Berisha./CNA





Lajmet e fundit nga