web counter
LEXO PA REKLAMA!

SHKARKO APP

App Store
Google Play

“Sot drejtësia pyet, heton e dënon kë të dojë”/ Rama: Nuk pendohemi për reformën

3 Prill 2025, 12:05, Politikë CNA

“Sot drejtësia pyet, heton e dënon kë të

Kryeministri Edi Rama ishte sot i pranishëm në takimin e dytë të nivelit të lartë “Shqipëria 2030 në BE - Rruga e Reformave”. Rama u ndal gjatë te diskutimi mbi drejtësinë.

Rama theksoi se sot drejtësia thërret në pyetje kë të dojë, vë në hetim kë të dojë, ngre akuza për kë të dojë dhe dënon kë të dojë.

Ai tha se mazhoranca nuk ka asnjë pendesë që ndërmori këtë reformë.

Rama shtoi se kjo është e vetmja rrugë dhe nuk ka kthim prapa në të kaluarën, prandaj mazhoranca është shumë e vendosur ta konsolidojë këtë proces.

"Drejtësia sot përmes institucioneve të reja, thërret në pyetje kë të dojë, vë në hetim kë të dojë, ngre akuza për kë të dojë dhe dënon kë të dojë. Në kuptimin kë të dojë, kë sheh fajtor. Edhe pak kë të dojë, por kë gjen fajtor. Kështu që ne nuk kemi asnjë pishman, i themi ne nga perandoria e vjetër, pendesë.

Përkundrazi, edhe pse kjo është një rrugë e vështirë. Ka ato problematikat e veta, ato të metat e veta, ka dhimbjet e veta. Është e vetmja rrugë, nuk ka një tjetër, çdo rrugë tjetër është kthim prapa në të kaluarën. Kështu që ne jemi shumë të vendosur ta konsolidojmë këtë proces",-tha Rama./CNA





Lajmet e fundit nga