web counter
LEXO PA REKLAMA!

SHKARKO APP

App Store
Google Play

"Krimi i shkrirë me qeverinë. Durrësi enciklopedi e tij" /Berisha: Shtylla e tretë e programit është 'pastrimi i shtëpisë'

3 Prill 2025, 21:59, Politikë CNA

"Krimi i shkrirë me qeverinë. Durrësi enciklopedi e

Kryetari i Partisë Demokratike, Sali Berisha ka shpalosur platformën e koalicionit PD-ASHM për luftën kundër korrupsionit dhe krimit të organizuar.

I ftuar në emisionin Opinion me gazetarin Blendi Fevziu, Berisha tha se në program lufta kundër korrupsionit është shtylla e tretë e quajtur "Pastrimi i shtëpisë".

Kryedemokrati Berisha tha se korrupsioni do luftohet me tolerancë zero dhe përmes digjitalizimit.

Berisha tha se do luftohet me tolerancë zero edhe kundër krimit të organizuar duke kujtuar se në kampin tjetër krimi është i lidhur me qeverinë dhe solli indirekt si shembull arrestimin e ish-deputetit Çyrbja. Berisha tha se ajo që ndodh në Durrës është enciklopedi e krimit.

 

"Shtylla e tretë e Shqipërisë Madhështore është “Pastrimi i shtëpisë” që do të thotë luftë me tolerancë zero ndaj korrupsionit.

E-Albanian e krijuam ne edhe pse sot u kthye në telefon të prishur që ju nxjerr shqiptarëve qumështin e nënës.

Nëna e nënave të të gjitha të këqijave është korrupsioni, do shkohet me zero tolerancë.

Do bëjmë digjitalizimin e thellë të Kadastrës edhe pse e bëmë dhe këta e kapërcyen. Do luftojmë me zero tolerancë krimin e organizuar.

Këtu tenderët po ndahen mes familjarëve. Kemi në fuqi ligjin e konfliktit të interesit që nëse nuk zbatohet bie çatia.

 Duhet votuar PD sepse me Ramën ka një abuzim të tmerrshëm me fondet publike. Korrupsioni po sjell varefërimin e qytetarëve, krimi i organizuar është më i shkrirë se kurrë me qeverinë.

Durrësi enciklopedi e krimit të organizuar", tha Berisha./CNA

 

 





Lajmet e fundit nga