Nga procedurat e fletës së votimit te shërbimi postar/ KQZ jep detaje për votuesit nga jashtë

3 Prill 2025, 15:45, Politikë CNA

Nga procedurat e fletës së votimit te shërbimi postar/ KQZ jep

Vetëm pak javë nga mbajtja e zgjedhjeve parlamentare të 11 majit, Komisioni Qendror i Zgjedhjeve ka ndarë informacione të rëndësishme për votuesit nga jashtë.

Shërbimi postar

DHL INTERNATIONAL ALBANIA SH.P.K., është operatori i shërbimit postar i përzgjedhur për të kryer dërgesën e dokumentacionit zgjedhor/fletës së votimit nga KQZ tek zgjedhësit dhe kthimin e fletës së votimit në KQZ.

Votuesit nuk do të paguajnë asgjë për këtë shërbim, pasi kostot mbulohen nga buxheti i shtetit.

Kostoja kontraktuale me kompaninë është 9,222,716 euro pa T.V.SH nga fondi limit prej 12 milionë euro.

Çmimi mesatar për një dërgesë (vajtje-ardhje) është 37.52 euro pa T.V.SH.

Nga procedurat e fletës së votimit te shërbimi postar/ KQZ jep

Fleta e Votimit

Ka filluar procesi i printimit të fletës së votimit për votuesit jashtë vendit.

Rreth datës 7-8 prill 2025, fletët e votimit do të mbërrijnë në Shqipëri.

Rreth datës 9-10 prill 2025, do të fillojë paketimi i zarfeve, dokumentacionit zgjedhor dhe fletëve të votimit për dërgesën tek votuesit jashtë vendit.

Rreth datës 15-17 prill 2025, do të përfundojë procesi i paketimit të dokumentacionit zgjedhor për zgjedhësit jashtë vendit.

Përmbushja e këtyre hapave brenda afateve të parashikuara siguron kohë të mjaftueshme për dërgesën e fletës së votimit te zgjedhësit, duke u lënë atyre më shumë kohë për votim dhe kthimin e saj në KQZ.

Për procedurën e votimit dhe veprimet e nevojshme për zgjedhësit jashtë vendit, KQZ po përgatit një spot informues/tutorial.

Po krijohet gjithashtu një sistem ndihme për votuesit jashtë vendit, për të ofruar informacion dhe sqarime mbi veprimet që duhet të ndjekin.

Nga procedurat e fletës së votimit te shërbimi postar/ KQZ jep