web counter
LEXO PA REKLAMA!

SHKARKO APP

App Store
Google Play

“Rama është meme e gjallë”/ Berisha: Integrimi i Shqipërisë do të përmbushet nga PD-ja

3 Prill 2025, 14:58, Politikë CNA

“Rama është meme e gjallë”/ Berisha: Integrimi i

Kreu i PD-së, Sali Berisha, e quajti kryeministrin Edi Rama një meme të gjallë, një emërtim që sipas tij i përshtatet. Berisha i bëri komentet gjatë një konference me gazetarët.

Në fjalën e tij, Berisha theksoi se integrimi i Shqipërisë është një mision që do të përmbushet nga Partia Demokratike.

Berisha tha se Partia Demokratike që nga viti 1992 e deri sot është faktuar si lokomotiva e të gjitha proceseve integruese.

Berisha akuzoi Ramën se në 12 vite përveç hapjes së procesit të negociatave nuk plotësonte asnjë kusht dhe prandaj u mbajtën pezull për 4 vite.

“Ata që e quajtën Edi Ramën meme e gjallë, ata i gjetën më të bukurën, më të mirin emërtim që ka. Ai është bërë famoz për trillime dhe mashtrime që tejkalojnë çdo lloj limit.

Partia Demokratike që nga 1992 e gjer sot, është faktuar lokomotiva e të gjitha proceseve integruese. Këshillin e Europës, marrëveshjen e Stabilizim-Asociimit, heqjen e vizave, rekomandimin e statusit kandidat nga Komisioni Europian, anëtarësimin e Shqipërisë në NATO.

Të thotë Edi Rama, në 12 vite përveç hapjes të procesit të negociatave, pasi e vonoi me vite të tëra, e cila është sinekuanon se merr statusin e kandidatit, që nuk plotësonte asnjë kusht dhe u hapën për çështje gjeostrategjike, se u mbajtën pezull 4 vite dhe u pa se ky nuk respekton asgjë, u hapën për shkaqe gjeostrategjike.

Ndaj dhe ai mision do të përmbushet nga PD, dhe i siguroj shqiptarët se po me atë seriozitet, transparencë dhe vendosmëri që ne realizuam momentet madhore të integrimit Europian dhe Euroatlantik të Shqipërisë, po me atë seriozitet do të finalizojmë negociatat me BE-në dhe anëtarësimin e plotë të Shqipërisë në Bashkimin Europian, por të bazuar tërësisht mbi meritën. Merita është baza, ky është interesi i shqiptarëve”,-tha Berisha./CNA

 

 

 

 

 

 

 

 

 





Lajmet e fundit nga