web counter
LEXO PA REKLAMA!

SHKARKO APP

App Store
Google Play

“Rritje e buxhetit në fushën e bujqësisë”/ Berisha: Plan emergjence për prodhimin dhe fermerët

3 Prill 2025, 18:01, Politikë CNA

“Rritje e buxhetit në fushën e bujqësisë”/

Kreu i Partisë Demokratike, Sali Berisha zhvilloi sot një bashkëbisedim me banorët e zonës së Baldushkut, ku fokusoi bisedën te mënyra sesi është trajtuar kjo fushë nga qeverisja qendrore dhe lokale. Gjatë takimit, Berisha prezantoi edhe një pjesë nga programi për Bujqësinë, ‘PD-Shqipëria Madhështore’.

Berisha theksoi se PD-ja synon vendosjen e një skemë emergjencë në këtë fushë.

Berisha tha se fermerët janë dëshmitarë për investimet e bëra në infrastrukturën bujqësore, ku vetëm një përqindje e vogël e buxhetit shkon për të.

Berisha shtoi se rritja do të jetë e ngjashme me vendet si Kosova, Maqedonia dhe vendet përreth.

“Angazhohemi për të subvencionuar çdo njësi prodhimi, çdo fidan dhe çdo kokë bagëtie.

Vendosja e skemës është emergjencë dhe do të pranohet menjëherë.

Nuk do jetë sa Franca, por sa Kosova dhe Maqedonia, ku është edhe më e lartë se në Shqipëri.

Problemi është që i përdorin për administratën dhe nuk i japin për bujqësinë.

Do jetë si Kosova, Maqedonia dhe vendet përreth.

E tërë bujqësia shqiptare, që kontribuon në ekonominë e vendit, merr pak përqind nga buxheti.

E gjykojmë të domosdoshme dhe do jetë nga banka e zhvillimit që ne do të bëjmë.

Do jetë për farat, fidanishtet dhe bagëtinë.

Nuk ka arsye që të blihet malli i importit me taksën e fermerit.

Bëhet në kundërshtim me ligjin dhe e njëashme.

Jeni dëshmitarë për investimet e bëra në infrastrukturën bujqësore”,-tha Berisha./CNA

 

 





Lajmet e fundit nga