web counter
LEXO PA REKLAMA!

SHKARKO APP

App Store
Google Play

“Një çati për çdo çift”/ Këlliçi: PD vjen me program për strehimin dhe familjet e reja

3 Prill 2025, 15:59, Politikë CNA

“Një çati për çdo çift”/

Drejtuesi i PD-së për Qarkun Tiranë, Belind Këlliçi, është shprehur sot se programi i PD-së parashikon edhe një plan për strehimin. Këlliçi e quajti ‘një çati për çdo çift’.

Në një dalje televizive, Këlliçi tha se PD-ja synon të ofrojë kredi për familjet e reja dhe do të mund të marrin 30 mijë euro me zero për qind interes.

Këlliçi shtoi se qytetarët janë të interesuar për programin e PD-së, që ofron rrogë minimale 500 euro dhe mesatare 1200 euro.

Këlliçi akuzoi Ramën se nuk ka mbajtur asnjë premtim, kur premtoi legalizim falas dhe shëndetësi falas.

“Në programin e PD-së, parashikojmë një çati për çdo çift. Të rinjtë largohen se nuk përballojnë dot jetesën. Ata që do nisin jetën bashkëshortore, do të marrin 30 mijë euro me zero për qind interes. Nëse një çift ka 3 fëmijë, do t'u falen 30 mijë euro.

Duhet të shtojmë popullsinë në vend. Në 10 vitet e fundit, kemi humbur 40 për qind të popullsisë. Programi i PD-së është që rroga minimale do jetë 500 euro dhe mesatarja 1200 euro. Rama s’ka mbajtur asnjë premtim, se tha legalizimi falas, shëndetësia falas.

Qytetarët janë të interesuar për programin. Edhe në SHBA, një pjesë e shqiptarëve atje planifikojnë që kur të jenë në pension, të vijnë në Shqipëri. Kjo, sepse Shqipëria është vend i bekuar, por jemi të vjedhur. Flitet për Europë dhe nuk kemi rrugë, ujë e drita”,-tha Këlliçi./CNA

 

 





Lajmet e fundit nga