web counter
LEXO PA REKLAMA!

SHKARKO APP

App Store
Google Play

E fundit!

x

“Rama është autori i gropës së pensioneve”/ Berisha: Ndryshojmë ligjin për pensionet brenda 3 muajve

4 Prill 2025, 12:46, Politikë CNA

“Rama është autori i gropës së pensioneve”/

Kreu i Partisë Demokratike, Sali Berisha, zhvilloi sot një konferencë për median nga selia e PD-së, ku u ndal te programi i PD-së për pensionet. Berisha tha se nga takimet e bëra së fundi, pensionistët e kanë vlerësuar realisht planin për ndryshimet për grupmoshën e tyre.

Në fjalën e tij, Berisha tha se ligji i ri për pensionet do të jetë i hekurt, pasi ligji aktual ka mohime vitesh, imoralitete e pazare.

Berisha theksoi se brenda 3 muajve të parë të qeverisjes së PD-së, të gjitha padrejtësitë e pensioneve do të marrin fund.

Berisha akuzoi Ramën si autor i gropës së pensioneve, nga mospagesa e kontributeve të sigurimeve shoqërore.

“Pensionistët vlerësuan realisht programin e PD-së. Programi është edhe për 20 mijë pensionistët që marrin nën 200 euro. Vlerësuan kartën e konsumatorit.

U premtoj shqiptarëve, të gjitha padrejtësitë e pensioneve marrin fund brenda 3 muajve të parë të qeverisjes së PD-së. Në ligjet për pensionet ka mohime vitesh, imoralitete, pazare.

Edi Rama ka shpallur si moshë të fillimit të punës moshën 18-vjeçare, ndërkohë që më parë të rinjtë fillonin punën në moshën 15-16-vjeçare.

Autori i gropës së pensioneve është Edi Rama, me mospagesën e kontributeve të sigurimeve shoqërore. Është e padëgjuar që shteti të mos paguajë. Administrata shtetërore është një piramidë imoraliteti.

Do të jetë i hekurt ligji, në mënyrë të prerë e të padiskutueshme.

Pensionistët dhanë ide e propozime të tjera të rëndësishme dhe kërkuan që shteti të shmangë detyrimet fiskale pas daljes në pension dhe kjo do të ndodhë”,-tha Berisha./CNA





Lajmet e fundit nga