web counter
LEXO PA REKLAMA!

SHKARKO APP

App Store
Google Play

E fundit!

x

“Më 11 maj i nxjerrim karton të kuq Ramës”/ Këlliçi: Përdor paratë e qytetarëve për ekspozita pikture

4 Prill 2025, 18:20, Politikë CNA

“Më 11 maj i nxjerrim karton të kuq Ramës”/

Drejtuesi i Partisë Demokratike pë Qarkun Tiranë, Belind Këlliçi ishte pjesë e një bashkëbisedimi që u zhvillua nga Partia Demokratike, me banorët e zonës së Depos së Ujit dhe anëtarët e degës nr. 2 në Tiranë. I pranishëm ishte edhe kreu i PD-së, Sali Berisha.

Në fjalën e tij, Këlliçi u shpreh se më 11 maj, qytetarët do t’i nxjerrin karton të kuq Edi Ramës.

Këlliçi tha se reagimi i radhës që pritet nga Rama është vetëm me bufa, zhapikë e hardhuca, se gjë tjetër nuk ka çfarë poston.

Këlliçi shtoi se Rama ka shpërdoruar paratë e qytetarëve, duke e akuzuar se me to ka hapur  ekspozitë pikturash.

“Po e çmendni Ramën ditët e fundit.  Ai ka probleme të theksuara me gratë në politikë. Kishte sulmuar kryetaren e njësisë numër 9. Prisni reagimin e radhës me bufa, zhapikë e hardhuca. Se gjë tjetër nuk ka çfarë poston.

Sot jemi me banorët e zonës së Depos së Ujit, por ujë këtu nuk ka. Kush ia ka fajin në këto 12 vite? Edi Rama do lajthisë sot.

I kemi lënë zhapikën e hardhucat, shishet e verës. Është kryeministri i një vendi të varfër që udhëton me charter privat.

Pretendonte se ishte artist e piktor, por nuk kishte hapur ekspozitë. U bë kryeministër hapi ekspozitë me paratë e qytetarëve.

Në 11 maj i nxjerrim karton të kuq Edi Ramës”,-tha Këlliçi./CNA

 

 





Lajmet e fundit nga