web counter
LEXO PA REKLAMA!

SHKARKO APP

App Store
Google Play

Në 105-vjetorin e lindjes/ Ismet Elezi, profesori që jeton në shekullin e dytë

5 Prill 2025, 11:20, Aktualitet Luan Rama

Në 105-vjetorin e lindjes/ Ismet Elezi, profesori që jeton në

Pesë vjet më parë, në njëqindvjetorin e lindjes, ndër të tjera pata shkruar për Profesor Ismet Elezin: jetofsh sa më gjatë dhe me shëndet të mirë edhe në shekullin e dytë të jetës!

Dhe ja ku jemi sot në njëqind e pesë vjetorin e lindjes, me profesorin mes nesh, teksa jeton në shekullin e dytë, mendjekthjellët e shëndetmirë, ende në punën e jetës së tij, mes librash të shumtë teksa vazhdon e shkruan, duke qenë mbase edhe shqiptari më jetëgjatë ndër të gjithë ne.

Profesor Ismet Elezi u lind më 5 prill të vitit të largët 1920 në Fterrën mes maleve të Labërisë.

Jeta e tij është një histori më vete.

I lindur në një familje patriote dhe me kontribute për Shqipërinë, edhe vetë profesori i ardhshëm u bë bartës kryelartë i emrit të familjes.

U bë edhe përfaqësues i Fterrës, si një ndër të shumtët patriotë dhe intelektualë që ajo trevë i dha Shqipërisë.

Idealist, atdhetar dhe antifashist, intelektual dhe mendimtar progresist, Ismet Elezi është sot përfaqësuesi dinjitoz i atij brezi që shërbimin ndaj popullit dhe vendit e patën kredon e jetës.

Intelektual i rendit të parë, studiues i vëmendshëm dhe punëtor i palodhur, pegagog dhe profesor i qindra e qindra juristëve dhe ndër të parët themelues të fakultetit të drejtësisë, shkencëtar me kontribute të vyera e me vlerë fondamentale në jurisprudencën shqiptare, administrator me cilësi të veçanta dhe burokrat ekselent në shërbim të shtetit, Ismet Elezi është modeli që i bën nder popullit dhe vendit.

Njohësi dhe studiuesi më i mirë i Kanunit të Labërisë, Profesor Ismet Elezi është autori i mbi 280 botimeve. 

"E drejta penale" dhe "E drejta zakonore" janë dy korpuset e mëdha të kontributeve të tij shkencore.

Ai sot mbush 105 vjet jetë.

Fatlum për jetën e gjatë, krenar për çfarë i ka dhënë popullit dhe atdheut, njëqind e pesë vitet e jetës së tij janë historia e gjallë e një njeriu që jeton në shekullin e dytë.

Të paçim Profesor Ismet Elezi!/ CNA





Lajmet e fundit nga