8 pyetje për vëzhguesin Roberts

10 Mars 2025, 20:43, Editorial CNA

Sot në Tiranë është shfaqur shtetasi amerikan Joshua.E.Roberts i cili u paraqit si vëzhguesi i procesit ligjor të kryebashkiakut të arrestuar për korrupsion dhe pastrim të produkteve të veprës penale, Erion Veliajt.

Pas "fake news-eve" të përhapura nga mediat e paguara nga inceneratorët dhe në shërbim të Veliajt, CNA i është drejtuar me 8 pyetje vëzhguesit Joshua.E.Roberts.

Pyetjet drejtuar Joshua Roberts janë:

1. Vëzhguesi Roberts thekson që është këtu thjesht nën kapacitetin e vëzhguesit. Për çfarë qëndron kjo garanci financiare nëse deklarata e tij është e vërtetë?

2. Nëse vëzhguesi Roberts është angazhuar për më shumë se thjesht vëzhgim, pra dhe për të këshilluar ekipin e Veliajt, a përfaqëson vëzhguesi Roberts interesat e vëllait të Erjon Veliajt, garantuesit financiar në hetimet për këto financa nga të cilat vëzhguesi Roberts paguhet?

3.? Nëse po, a është në dijeni vëzhguesi Roberts që si pjesë e të njëjtit hetim financiar, z. Arbër Veliaj është nën hetim financiar dhe si pasojë, fondet me të cilat paguhet vezhguesi Roberts janë nën hetim si rrjedhojë e aktivitetit të korrupsionit dhe pastrimit të parave?

“FAKE NEWS”/ Këlliçi nxjerr blof median e paguar nga inceneratorët
10 Mars, 19:59

4. A është vëzhguesi Roberts në dijeni që në Shqipëri ai po lejon, me dijeninë e tij, që të citohet si këshilltar i z. Veliaj dhe ish-përfaqësues ligjor i Presidentit të Shteteve të Bashkuara të Amerikës, përfshirë dhe gjatë fushatave të z. Trump?

5. A ka miratim vëzhguesi Roberts të lejojë përdorimin e identitetit të Presidentit Trump në kapacitetin e ish-klientit të studios që ai përfaqëson?

6. A ka dijeni vëzhguesi Roberts për marrëdhëniet e pretenduara të z.Veliaj me shtetin e Iranit dhe individë të sanksionuar nga Administrata e SHBA?

7. A është i gatshëm vëzhguesi Roberts të përballë studion e tij me procedura të ngjashme me ato të studios "Perkins Coie" ku sipas informacioneve publike, Administrata Trump është duke vlerësuar aktivitetet që bien ndesh me sundimin e demokracisë dhe ligjit, ngjashmërisht me aktivitetet e z. Veliaj me mbështetjen e fondacionit "Shoqëria e Hapur" të kryesuar nga z. Alex Soros?

8. A po tenton vëzhguesi Roberts të krijojë presion ndaj strukturave të SPAK dhe GJKKO-së duke sjellë me vete në sallën e gjyqit një licencë pa vlerë në gjykatat shqiptare dhe thjesht një pasaportë amerikane, të ngjashme me po ato pasaporta të kualifikuara nga Administrata Trump si individë që kthyen sistemin gjyqësor në armë politike?

I urojmë vëzhguesit Roberts një vëzhgim të suksesshëm!/ CNA