web counter
LEXO PA REKLAMA!

SHKARKO APP

App Store
Google Play

Ku ndryshon rasti “Thoma Gëllçi” nga arrestimi i Erion Veliajt

26 Shkurt 2025, 10:53, Editorial CNA
Ku ndryshon rasti “Thoma Gëllçi” nga arrestimi i Erion
Erion Veliaj dhe Thoma Gëllçi

Propaganda e kryebashkiakut të Tiranës, i cili ndodhet në arrest pas vendimit të GJKKO-së, po e shfrytëzon një vendim të gjykatës së Strasburgut dhënë për ish-drejtorin e RTSH-së, Thoma Gëllçi, për ta përdorur si betejë kundër gjykatës apo prokurorëve me shpresën se nesër mund të shkojë në Strasburg dhe të fitojë se është arrestuar në mënyrë të padrejtë, nuk ka një vendim gjykate, e kështu me radhë.

Në fakt Erion Veliaj nuk është arrestuar në mënyrë të padrejtë. Për Erion Veliajn ka fakte dhe prova. Për më tepër bashkëpunëtorët e tij kanë dashur të prishin provat.

Erion Veliaj ka dy akuza për korrupsionin dhe pastrimin e produkteve të veprës penale dhe për këto dy vepra penale Erion Veliaj rrezikon deri në 15 vjet burg dhe masa e sigurisë sipas kodit të procedurës është e qartë deri në 1 vit.

Ku ndryshon nga rasti “Gëllçi”?

Erion Veliaj ka dy akuza shumë të rënda dhe paraburgimin e përcaktuar një vit, kurse Thoma Gëllçi është ndaluar për shpërdorim detyre dhe vendimi i gjykatës shkon te maksimumi një apo 2 vjet heqje lirie. Strasburgu për Thoma Gëllçin nuk ka gjetur të padrejtë as ndalimin e tij, as vendimin dhe dënimin e tij, por ka gjetur të padrejtë zgjatjen e afatit hetimor.

Pra nëse Thoma Gëllçi ishte i arrestuar 6 muaj nuk duhet të zgjatej hetimi edhe tre muaj të tjerë, pasi ka pasur kohë të mjaftueshme që prokurori të gjente dhe të siguronte provat dhe t’i çonte në gjykatë.

Pra shkelja e të drejtave që i është bërë Thoma Gëllçit është te shtesa e kohës së paraburgimit, pra nga 6 muaj është bërë 9 muaj.

Kurse në rastin e Erion Veliajt paraburgimin e ka një vit dhe dënimin e ka rreth 15 vjet dhe ka dy vepra të rënda penale, kurse Thoma Gëllçi ka vetëm shpërdorim detyre dhe për dënimin që i është dhënë gjykata e Strasburgut nuk ka dhënë asnjë të drejtë.

Kryeministri e ka përdorur si argument rastin e Thoma Gëllçit, por sërish ose nuk di ose e kanë gënjyer.

 

Prandaj, makineria e propagandës dhe pjesa politike do të tentojnë të përhapin së pari gënjeshtrën e fitores së madhe të Thoma Gëllçit në Strasburg që në fakt është fitore për tre muajt e paraburgimit dhe jo për dënimin e ndalimin dhe këtë do ta përballin me Erion Veliajn, ku nuk ka të krahasuar shpërdorimi i detyrës me korrupsionin dhe pastrimin e provave të veprës penale, pasi dhe dënimi që parashikohet është 5 deri në 15 herë më shumë sesa dënimi i Thoma Gëllçit dhe koha e hetimit e parashikuar për Erion Veliajn, pasi ndalohet në bazë të veprës penale, shkon deri në një vit.

Ndaj dhe gjithçka thotë makineria e korruptuar mediatike, njerëz afër zotit Gëllçi apo motorët publikë të Erion Veliajt janë thjesht duke gënjyer sepse e vërteta është krejt ndryshe.

Ashtu siç gënjyen dhe për arrestimin kur thanë se nuk ishte vendim gjykate dhe ishte i paligjshëm kur kishte dy vendime gjykate, gjithçka është provuar e ligjshme, faktet dhe provat janë aty.

Por pushteti dhe propaganda nuk pranojnë që të arrestohen bijtë e saj të korruptuar, por heshtin kur ndalohen dhe marrin ndëshkim njerëzit e opozitës dhe fillojnë dhe kërcejnë nga belaja kur kapet korrupsioni i tyre./ CNA





Lajmet e fundit nga