web counter
LEXO PA REKLAMA!

SHKARKO APP

App Store
Google Play

Janë njësoj, Rama bëri edhe më keq

12 Shkurt 2025, 16:03, Editorial CNA

Janë njësoj, Rama bëri edhe më keq

Sot u vërtetua ndoshta edhe një profeci, por dhe një qëndrim i thënë shpesh nga analistë, gazetarë, intelektualë, qytetarë të thjeshtë që pretendojnë se janë të gjithë njësoj.

Edi Rama, sot tregoi se nuk ka ndonjë ndryshim nga Rama i vërtetë. Nuk e mbajti dot veten për të treguar se nuk ka ndonjë ndryshim nga Sali Berisha, nuk e mbajti dot veten për të treguar se nuk ka ndonjë ndryshim nga Ilir Meta.

Edi Rama, sot, i vërtetë, shkoi përtej asaj që kishin bërë Berisha dhe Meta që kishin protestuar para SPAK-ut, nuk shkoi vetë as Ilir Meta, nuk mund të shkonte vetë, shkoi Tedi Blushi.

Në fakt, në këtë rast shkuan hajdutët e Erion Veliajt, punonjësit e administratës së bashkisë, ata që po hetohen për inceneratorët, për “5D”, për çështjen e dherave e të tjerë.

Nuk shkopi Sali Berisha të protestonte, thjesht i vajti detyrimi për paraqitje, çoi njerëzit atje.

Nuk shkoi Rama, por doli në ekran.

Doli në ekran dhe tha se qeveria duhet të kontrollonte drejtësinë e padëgjuar më parë. Nuk kishin mundur ta thoshin as Sali Berisha, as Ilir Meta. Ndaj janë njësoj, Rama shkoi dhe përtej.

Drejtësia e re që kishte ngritur Edi Rama, sipas tij, tashmë po afrohej shumë dhe ai nuk mund ta pranojë që zdromsin e tij ta arrestojnë.

Nuk mund ta pranojë që të filmohet dhe të kapet me zë dhe figurë kryetarja e Komisionit të Ligjeve duke intimiduar dhe duke penguar dëshmitarët duke ofruar dhe para.

Shkoi përtej. Shkoi përtej Ilir Metës dhe Sali Berishës, sot këtë e bëri Edi Rama. Ishte e padëgjuar më parë.

Dhe, këtë e panë me zë dhe figurë ndërkombëtarët. E panë ata që janë në negociata sot me Shqipërinë dhe kur diskutohen kapitujt e drejtësisë.

Me këtë të sotmen Shqipëria bëri shumë hapa pas, thjesht dhe vetëm sepse ata janë njësoj, nuk duan t’ia dinë për Shqipërinë, kanë hallet e tyre.

Edi Rama na tregoi se kishte hall të madh zdromsin dhe Klotilda Bushkën, 99-çat që kanë gjetur strehë te Rilindja dhe janë kapur të gjallë nga drejtësia./ CNA





Lajmet e fundit nga