E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Votimin e shqiptarëve jashtë atdheut do e paguajnë ata që nuk kanë ikur ende nga atdheu!

4 Shkurt 2025, 18:22, Editorial CNA

Votimin e shqiptarëve jashtë atdheut do e paguajnë ata që

Opozita ishte e para që i hodhi dorashkën e sfidës maxhorancës, kur kërkoi me insistim votimin e diasporës. Edhe kjo si shumë sfida që hidhen kuturu pa llogaritur reagimin e maxhorancës. Dhe ndodhi që maxhoranca e mori seriozisht sfidën.

Kryeministri Rama shpalli dhe kreu takime madhështore në Greqi dhe Itali. Takimet ishin spektakël më vehte nga ata që Rama i ka "hobby". Parë kështu duket budallallëk që ai të sfidohej që të detyrohej të bëjë gjënë që ai di të bëjë më mirë.

Por, opozita e sfidoi pa u menduar gjatë! Komisioni Qendror i Zgjedhjeve ngriti platformën për regjistrimin e votuesve nga jashtë vendit. Aktet rregullatore u miratuan në Komisionin Rregullator, atje ku Opozita ka përfaqësuesit e vet besnikë.

Por opozita nisi prapë akuzat për faturën që do t'u ngarkohej emigrantëve. Secilit prej tyre! Beteja e rradhës e opozitës, për të fituar zemrën e emigranteve, u fokusua tek fakti, që ata do të duhet që të paguanin postën për dërgimin mbrapsht të fletës së votimit, pasi ata të kishin marrë zarfin e nisur dhe paguar nga KQZ.

Donin t'u kursenin lekët shqiptarëve që jetojnë jashtë dhe duke bërë betejë per ato lekë poste, ishin të bindur që do i bindnin se cila forcë mendonte më shumë për ta! KQZ nuk pret lekë!
Për Postën do paguante buxheti i Shtetit. Dhe Buxhetin e Shtetit nuk e mbush Rama. E mbushin kontributet e Shqiptarëve që jetojnë në Shqipëri.

Por opozita që ka në përbërje të vet me shumicë njerëz që nuk kanë punuar kurrë, mendonte se emigrantët nuk mund të paguanin për postën e kthimit të zarfit me fletën e votimit brenda. Dhe e sfiduan prapë mazhorancën!

Kështu në fund të kësaj historie çdo emigranti apo shqiptari tjetër që jeton jashtë shtetit dhe që do të regjistrohet në regjistrin e hapur nga KQZ, do ju shkojë me postë të parapaguar, zarfi i kthimit te fletës së votimit të plotësuar.

Nëse ndjekim logjikën, çdo shqiptar që kërkon të regjistrohet në portalin e hapur nga KQZ, presupozohet që shpreh dëshirën të votojë. Por nuk mund të thuhet me siguri se të gjithë do të kthejnë mbrapsh fletën e mbushur me votën. Opsioni që të ndërrojnë mendje ekziston.

Ajo që dihet me siguri është se KQZ gjithkujt që rregjitrohet në portal, do t'i nisë një zarf me fletën e votimit brenda dhe me postë kthimi të parapaguar nga Buxheti i Shtetit. Opozita e sfidoi maxhorancen në parapagimin e votës së emigranteve, sikur ishte e bindur që ato lekë do dilnin nga xhepi i Kryeministrit!

Problemi është që Rama nuk do i nxjerri nga xhepi ato lekë të postës së parapaguar. Do i marri nga ato që kanë paguar shqiptarët që jetojnë në Shqipëri. Kështu, në fund, për çdo shqiptar që jeton jashtë, pagesa e postës do paguhet nga ajo pjesë e familjes që jeton në Shqipëri.

Votimin e shqiptarëve jashtë Atdheut do e paguajnë ata që nuk kanë ikur ende. Shpresojmë që kjo kosto, mos i shtohet motiveve për të ikur dhe të këtyre që kanë mbetur.

Në fund nëse përdorim kriterin e opozitës që besonte se do i blinte shqiptarët e emigracionit, me çmimin që po u kursente nga posta e parapaguar nga Buxheti i Shtetit, me të njëjtën logjikë i bie që të ketë humbur shqiptarët e Shqipërisë për të njëjtin çmim. Kësaj i thonë hiqja Lenës veja Prenës! /CNA