Vetingu në drejtësi dhe Veliaj pa drejtësi

31 Janar 2025, 15:19, Editorial CNA

Kryebashkiaku i Tiranës është nën hetim për 4 akuza penale, të cilat kanë filluar pas denoncimeve në SPAK, megjithëse ai në piramidën e shumë çështjeve është në krye të detyrës, siç është rasti i inceneratorëve, rasti i dosjes "5D", shembjet te "5 Maji" etj.

Gjithçka që ka ndodhur është një hetim pasuror. Janë gjetur pagesa, janë bërë kontrolle nga SPAK dhe pretendime për fatura, hetime të shpejta, të forta, kontestime të Veliajt, reagime të tij, SPAK që ka bërë dhe një qëndrim zyrtar, por jemi përballë një fakti.

Ekskluzive- Kontrollet në banesë, SPAK-u po zbërthen skemën
6 Dhjetor, 13:17

Në vitin 2016, kur ka filluar reforma në drejtësi dhe deri më sot janë nxjerrë jashtë sistemit me qindra gjyqtarë dhe prokurorë. Kanë kaluar në veting qindra të tjerë shumë me të drejtë, shumë pa të drejtë.

Por po të shikosh në listën e atyre personave që janë përfshirë në veting, veting i votuar edhe nga vetë partia e Erion Veliajt, disa prokurorë, gjyqtarë dhe anëtarë të sistemit të drejtësisë kanë ikur edhe kot ndoshta. (LEXO KETU)

Dikush se nuk justifikonte dot një biletë avioni, dikush se kishte dalë njëherë jashtë, dikush tjetër për 7 milionë lekë të vjetër, dikush tjetër për apartamentin e babait të ndërtuar në kohën e diktaturës e kështu me radhë.

Ndërsa sot jemi përballë një kryebashkiaku, Erion Veliajt, që hetohet sipas Kodit Penal nga ata që kanë kaluar vetingun, të cilët patjetër që formulën e vetingut duhet ta përdorin te hetimet për Erion Veliajn dhe çdo politikan që e ka votuar atë reformë.

SPAK-u fillon hetim pasuror për Veliajn dhe familjarët e tij
21 Maj, 11:59

Kjo sepse reforma u bë që të kishim një drejtësi të pastër dhe të kalonte në veting korrupsioni i politikanëve.

Ndaj Erion Veliaj duhet të jetë një nga ata të vetingut sipas standardit të vetingut dhe kuptohet sipas ligjit. Dhe, përballë drejtësisë duhet të jetë i vetinguar për skandalet e tij, për pasuritë e tij, për aferat e tij dhe gjithçka tjetër.

Duhet të kemi një veting dhe reformë në drejtësi që solli rezultat dhe një Erion Veliaj që në fakt kërkon drejtësi, por ndaj tij nuk ka asnjë padrejtësi.