web counter
LEXO PA REKLAMA!

SHKARKO APP

App Store
Google Play

E fundit!

x

Biznesmeni thirret në SPAK për hetimet ndaj Erion Veliajt

6 Janar 2025, 19:29, Aktualitet CNA
Biznesmeni thirret në SPAK për hetimet ndaj Erion Veliajt
Kryebashkiaku i Tiranës, Erion Veliaj

Biznesmeni G.S. një nga personazhet e njohur, i cili me kompanitë e tij ka patur marrëdhënie të forta me kryebashkiakun e Tiranës Erion Veliaj është thirrur sot në SPAK.

Sipas të dhënave që ka siguruar CNA biznesmeni është marrë në pyetje në lidhje me pasuritë e kryebashkiakut të Tiranës Erion Veliaj, bashkëshortes së tij e familjarëve të tjerë, të cilët rezultojnë se kanë marrë prona, transaksione dhe veprime tashmë të faktuara nga SPAK midis G.S. dhe Erion Veliajt.

Në disa media qarkullojnë lajme të pavërteta se biznesmeni është thirrur për shkak të hetimeve ndaj Monika Kryemadhit dhe Ilir Metës.

CNA ka mundur të sigurojë të dhëna të mirëkonfirmuara se G.S. nuk ka qenë në SPAK as për llogari të Kryemadhit apo Metës, por është thirrur dhe pyetur për transaksionet me kryebashkiakun e Tiranës, Erion Veliaj.

Biznesmeni thirret në SPAK për hetimet ndaj Erion Veliajt
Kryebashkiaku i Tiranës, Erion Veliaj

Çdo informacion tjetër i publikuar është një gënjeshtër e servirur nga Kryebashkiaku i Tiranës, njeriu i cili mohoi bashkëshorten e tij dhe hetimin që kishte ndaj tij në SPAK duke thënë se po i hetoj bashkëshortja apo vëllai.

Të njëjtën skemë ka përdorur edhe sot duke tentuar të mashtrojë opinionin publik se biznesmeni G.S. është thirrur për llogari të hetimeve të Kryemadhit dhe Metës.

Në fakt, G.S. sot në SPAK është thirrur për të gjitha transaksionet, ndërveprimet, marëdhëniet apo komunikimet që ka me kryebashkiakun e Tiranës dhe familjarët e tij.

G.S. është një nga të shumtët biznesmenë për të cilët SPAK ka mundur të sigurojë dokumentacion të plotë transaksione, veprime të cilat në përfundim na çojnë tek akuzat për korrupsion, fshehje pasurie, pastrim të veprave penale e shpërdorim detyre që SPAK i ka bërë të ditur publikisht kundër kryebashkiakut të Tiranës, Erion Veliaj./CNA

 





Lajmet e fundit nga