web counter
LEXO PA REKLAMA!

SHKARKO APP

App Store
Google Play

E fundit!

x

Ola Xama skanon pasuritë e familjes Veliaj: Ajola Xoxa ka depozitë bankare 617 mijë euro

26 Dhjetor 2024, 22:26, Politikë CNA

Ola Xama skanon pasuritë e familjes Veliaj: Ajola Xoxa ka depozitë

Gazetarja Ola Xama ka skanuar pasuritë e kryebashkiakut Erion Veliaj dhe familjarëve të tij. E ftuar në MCN Tv, Xama tha se Ajola Xoxa ka një depozitë bankare prej 617 mijë eurosh.

“Nga ajo që ka deklaruar zoti Veliaj në deklarimet e pasurisë si kryebashkiak i Tiranës, rezulton që ai bën një jetë modeste, i cili ka një apartament, një kredi 36 mijë euro të mbetur për t’u paguar, një depozitë me vlerë 10 mijë euro, që ka siguruar 17 mijë euro nga dietat dhe shpërblimet dhe 24 mijë euro nga paga. Pra rezulton që bën një jetë normale, modeste, por nëse mund t’i vinim një titull pasurisë së zotit Veliaj “Kryebashkiaku i varfër i rrethuar me familjarë të pasur”, sepse nëse shohim deklaratat e pasurisë, jo ajo që është gjetur nga SPAK-u, në deklaratat e pasurisë, rezulton që zonja Ajola Xoxa ka depozitë bankare 617 mijë euro. Po ashtu ajo zotëron dy apartamente, një të blerë në vlerën 88 mijë euro, tjetrin të blerë me vlerën 105 mijë euro. Po ashtu ajo zotëron 19.8 për qind të aksioneve te kompania “Botime Enciklopedike”, e cila ka një xhiro të konsiderueshme dhe aksione te kompania Partner Laë.

Gjatë vitit 2023 Ajola Xoxa ka shtuar pasurinë me 97 mijë euro, pra 6.7 mijë euro ka mbajtur nga fitimet nga projektet te qendra “Harabel” dhe Partner Laë nga pagesat që ka marrë të këto qëndra dhe i ka kursyer. Ajo që kemi gjetur lidhur me konfliktin e interesit është se zonja Xoxa është themeluese e qendrës “Harabel”, që zotëron galerinë “NAN” dhe eventet që bëhen në fushën e kulturës, pothuajse të gjitha janë të sponsorizuara nga ose nga Ministria e Kulturës, ose nga Bashkia e Tiranës, ose agjenci në varësi të bashkisë dhe konflikti i interesit sepse ajo ka marrë 44.5 mijë euro nga Balkan Youth Albania dhe qendra “Harabel”. Pra gjysma e pasurisë së vitit 2023 ka ardhur nga këto dy qendra”, tha Xama./ CNA





Lajmet e fundit nga