web counter
LEXO PA REKLAMA!

SHKARKO APP

App Store
Google Play

E fundit!

x

“Të ‘40-tat’ e Veliajt”/ Berisha: Është një kufomë e pakallur politike

26 Dhjetor 2024, 20:24, Politikë CNA

“Të ‘40-tat’ e Veliajt”/ Berisha: Është

Kryetari i PD, Sali Berisha ka marrë pjesë në takimin e organizuar në degën numër 5 në Tiranë.

Berisha tha se me protestat e tyre, qytetarët arritën të varnin në shtyllën e turpit kryebashkiakun Erion Veliaj.

Lideri i opozitës u shpreh se sot opozita përcolli në banesën e fundit të politikës Erion Veliajn dhe në zgjedhjet e ardhshme do të përcjellin dhe kryeministrin Edi Rama.

Berisha tha se kjo është vetëm merita e demokratëve që nuk u ndalën për 40 javë dhe i korrespondon si me qenë të 40-tat e Erion Veliajt.

 “Sot ju mblidheni këtu pasi në kushtet më të vështira bëtë një nga opozitat më të fuqishme që ka njohur vendi.

Shumë shpesh bashkërisht kemi bërë thirrje ta varim Erion Veliaj ta varim në shtyllën kombëtare të turpit.

Faktikisht ju e varët atë në shtyllën kombëtare të turpit, e ndrytë atë në sallën e turpit kombëtar. Tani ai është një kufomë e pakallur, por merita është e qytetarëve, e demokrateve dhe demokratëve, që nuk u ndalët për 40 javë dhe i korrespondon si me qenë të 40-tat e Erion Veliajt.

Por ju garantoj unë ju, se pa atë sakrificë tuajën të përjavshme, pa atë protestën tuaj të përjavshme, Erion Veliaj do ishte duke ju thënë qytetarëve të Tiranës, se mbolla 1 mln pemë dhe tani do të vjedh milionin e dytë, nuk do ti hynte ferra në këmbë.

Prandaj dhe ju realizuat objektiva të mëdha me qëndresën tuaj, me protestën tuaj, e bëtë të pamundurën të mundshme”, tha Berisha./ CNA

 





Lajmet e fundit nga