web counter
LEXO PA REKLAMA!

SHKARKO APP

App Store
Google Play

E fundit!

x

5 orë në SPAK/ Gazetarja: Do ta marrim vesh ku fle Harabeli i Erionit

26 Dhjetor 2024, 17:45, Politikë CNA

5 orë në SPAK/ Gazetarja: Do ta marrim vesh ku fle Harabeli i Erionit

Gazetarja Beti Njuma ka komentuar reagimin e Erion Veliajt pas qëndrimit 5 orë në SPAK ditën e sotme.

Veliaj tha se ishte denoncuar nga një njeri që nuk ekziston ndërsa tha se ishin kurthe nga ata që dërgojnë letra anonime dhe që nuk e mundin dot në betejë, duke nënkuptuar opozitën dhe kreun e PD-së Sali Berisha.

Sipas gazetares ajo që bëri Erion Veliaj pasditen e sotme në mbledhjen e Këshillit Bashkiak  është e turpshme dhe në shkelje të ligjit, pasi mbledhja bëhet për hallet e qytetarëve dhe jo hallet e Veliajt me drejtësinë.

Njuma thekson se Veliaj në mënyrë abuzive e shndërroi sallën në një konferencë shtypi.

Sipas gazetares, po të kishte këllqe Veliaj do të fliste para gazetarëve dhe jo para shokëve të Byrosë siç fliste Enver Hoxha.

Sa i përket kurtheve të pretenduara nga Veliaj, gazetarja tha se SPAK nuk të mban 5 orë për fantomasin Nesti Angoni që nuk ekziston, por shumë shpejt do kuptohet ku fle Harabeli i Veliajt.

“Ajo që bëri Erion Veliaj në mbledhjen e sotme të Këshillit Bashkiak është e turpshme dhe në shkelje të ligjit.

Siç edhe e thashë para se kryetari nën hetim nga Spak-u të merrte fjalën, mbledhja e Këshillit Bashkiak është për hallet e qytetarëve dhe jo për hallet e Veliajt me drejtësinë.

Në mënyrë të pacipë e tinzare, Erion Veliaj abuzoi duke e shndërruar sallën në një konferencë shtypi. Po të kishte këllqe, Veliaj të kishte folur para gazetarëve dhe t’u jepte përgjigje pyetjeve të tyre jo para këshilltarëve që duartrokitën si shokët e Byrosë kur fliste Enver Hoxha.

Sa për atë kurthin e sajuar nga një person anonim, kam dyshimet e mia SPAK-u nuk të mban 5 orë për fantomasin Nesti Angoni që nuk ekziston. Do ta marrim vesh ku fle lepuri, apo më mirë Harabeli i Erionit!”, shkruan Njuma./ CNA





Lajmet e fundit nga