web counter
LEXO PA REKLAMA!

SHKARKO APP

App Store
Google Play

E fundit!

x

Dosja 5D/ Këlliçi: Çështja ka fraksion, nuk është 100% e sigurt që Veliaj është lënë jashtë

26 Dhjetor 2024, 18:38, Politikë CNA

Dosja 5D/ Këlliçi: Çështja ka fraksion, nuk

Drejtuesi politik i PD-së për Tiranën, Belind Këlliçi ka komentuar përfundimet e hetimeve të SPAK për dosjen 5D.

Në një prononcim për emisionin Task Forcë, Këlliçi tha se çështja ka një fraksion dhe nuk është e sigurt 100% se Veliaj është lënë jashtë kësaj dosje.

Këlliçi u shpreh se është e pamundur që prokuroria të pretendojë se tre drejtorë kanë marrë 30 milionë euro dhe leje ndërtimi me firmën e Veliajt dhe ai nuk di gjë.

Drejtuesi politik i PD-së për Tiranën, Këlliçi u ka bërë thirrje drejtorëve që po bëjnë burg për Veliajn që të tregojnë të vërtetën se në favor të kujt kanë shkuar paratë dhe për kë kanë blerë votat

“Aty ka një çështje që është me fraksion që nuk është 100% e sigurt që të jetë lënë jashtë Erion Veliaj, është e pamundur që Veliaj të jetë jashtë kësaj çështje.

Është e pamundur që prokuroria të pretendojë se tre drejtorë kanë marrë 30 milionë euro dhe leje ndërtimi me firmën e Veliajt dhe ai nuk di gjë. Këtë fabul nuk ka GJKKO dhe Veliaj që mund t’i mbushë mendjen. A

ta drejtorët që po bëjnë burgun e Veliajt të tregojnë të vërtetën se në favor të kujt kanë shkuar paratë dhe për kë kanë blerë votat .Ata të mos bëjnë burgun e Veliajt, po shkojnë në burg me regji të Veliajt dhe po shkojnë të bëjnë burgun e Veliajt.

Tenderët i ka firmosur Veliaj. Të gjitha përpjekjet për të mbuluar aktivitetin e grupit të strukturuar kriminal. Ka një kapo bandë dhe dihet kush është Erion Veliaj”, tha Këlliçi./ CNA





Lajmet e fundit nga