Gazetari zbardh dokumentin: Ndaj Veliajt ka hetim dhe akuza

26 Dhjetor 2024, 21:58, Politikë CNA

Gazetari Elvi Fundo ka zbardhur detaje nga hetimet ndaj Erion Veliajt.I ftuar në emisionin e Çim Pekës, gazetari është shprehur se ndaj Veliajt ka dhe hetim dhe akuzë.

Gazetari ka zbuluar dokumentin ku thuhet se familjarët dhe të afërmit e Veliajt kanë përfituar në mënyrë të paligjshme përmes disa shoqërive për interesa të Bashkisë së Tiranës.

Ai tha se hetimi pasuror ndaj Erion Veliajt ka filluar pasi ka pasur dyshime për të ngritur akuzë korrupsioni, shpërdorim detyre, pastrim i produkteve të veprës penale dhe fshehje pasurie.

“Unë kam besuar gjithmonë te SPAK për një arsye të thjeshtë për çdo dokumet që kam nxjerrë jam thirrur në SPAK i kam dorëzuar ata i kanë administruar dhe unë e kam fakt të zezën mbi të bardhë.

SPAK i ka dhe dokumentet e Erion Veliajt dhe inceneratorit. Hetimi pasuror për
Erion Veliajn ka ndodhur pikërisht për inceneratorët, shembjet te 5Maj, teatrit dhe disa kallëzime të tjera nga qytetarët.

Pra hetimi pasuror ndaj Erion Veliajt ka filluar pasi ka pasur dyshime për të ngritur akuzë korrupsioni, shpërdorim detyre, pastrim i produkteve të veprës penale dhe fshehje pasurie.

Hetimi i Erion Velijat ka nisur që nga Marsi, pasi është marrë në pyetje. Kur është pyetur për herë të parë është pyetur për të gjitha këto dosje dhe indiciet që kanë dalë nga këto hetime kanë çuar të hetimi pasuror.

Tani do të lexoj një dokument i cili na tregon se ndaj Erion Veliajt ka një hetim. Ka akuza. Sot është pyetur për gati 5 orë. Ka dhe hetim dhe akuzë.

Veliaj ka qenë me drejtorin juridik të Bashkisë. Kjo çështje tani shumë shpejt do të zbardhet. Unë do ju lexoj vetëm këtë dokument për të kuptuar dhe qytetarët.

Sipas gjykatës konstatohet se ekzistojnë të dhëna konkrete që anëtarë të ngushtë të familjes dhe familjarë të kryebashkiakut Veliaj kanë marrë përfitime të paligjshme nga disa shoqëri dhe individë që kanë interesa të drejtpërdrejta të Bashkisë Tiranë.

Dritan Prençi është tepër i ngadaltë një drejtësi e vonuar është dhe drejtësi e munguar për çështjen e inceneratorëve”, tha gazetari Elvi Fundo./ CNA