web counter
LEXO PA REKLAMA!

SHKARKO APP

App Store
Google Play

Zjarri shkrumboi banesat/ Bashkia e Pogradecit merr përsipër strehimin e familjeve të prekura

5 Janar 2025, 15:16, Aktualitet CNA

Zjarri shkrumboi banesat/ Bashkia e Pogradecit merr përsipër strehimin

Bilanci përfundimtar i zjarrit masiv të rënë në lagjen Nr.4 të Pogradecit ka rezultuar në djegien e dy hyrjeve me 4 dhoma të 80-vjeçarit Avni Biba dhe 3 dhoma të Elton Baçit.

Sipas informacioneve nga zjarrfikësja, është djegur edhe banesa në mes ku jetonin dy familje. Zjarri ka rënë mbrëmjen e djeshme ku fatmirësisht nuk ka pasur të dëmtuar, por dëme të shumta materiale, duke lënë në qiell të hapur familjet e këtij blloku banesash.

Ditën e sotme, kryetari i bashkisë së Pogradecit, Ilir Xhakolli, ka shkuar pranë familjeve duke inspektuar së bashku me grupin e punës dëmet e mëdha, ndërsa është shprehur se do të mbulojnë shpenzimet dhe qiranë deri në rindërtimin e banesave të shkatërruara nga zjarri.

"Një zjarr i përmasave të mëdha ku u përfshinë gati 4 familje, por 2 prej tyre janë më të dëmtuarit. Zjarri është fikur nga ora 23:20, një nga këto familje që është më problematike i kemi gjetur një shtëpi këtu afër dhe do ta mbështesim edhe me ushqime dhe veshmbathje pasi ata janë me fuar në xhepa. Sigurisht që grupi i emergjencave ndodhet këtu duke bërë verifikimin e dëmeve në 4 banesat po sidomos në këto 2 që janë më të dëmtuarat. Patjetër që bashkia do futet fuqishëm për t'i mbështetur edhe këto dy banesa që janë për t'u rindërtuar dhe shumë shpejt ata do jenë në banesën e tyre."

Shkak i rënies së zjarrit dyshohet të jetë bërë oxhaku i ndezur i të moshuarit 80-vjeçar, i cili ka qenë në gjumë në momentin e rënies së zjarrit. Ka qenë një fqinj i tij i cili ka ndërhyrë për ta nxjerrë jashtë banesës përpara se të agravonte situata.

Për banorët e këtij blloku banesash, situata mbetet alarmante duke marrë parasysh shkrumbimin total të banesave dhe temperaturat e ulëta në këtë dimër./CNA

 

 





Lajmet e fundit nga