web counter
LEXO PA REKLAMA!

SHKARKO APP

App Store
Google Play

Pas festave të fundvitit, emigrantët lënë Shqipërinë

4 Janar 2025, 17:09, Aktualitet CNA

Pas festave të fundvitit, emigrantët lënë

Në pikën e kalimit kufitar të Kakavijës vijon largimi i emigrantëve që festuan me familjet ndërrimin e viteve.

Përgjatë 24 orëve të fundit kanë dalë nga Shqipëria rreth 6500 shtetas ndërsa kanë hyrë 3600 të tjerë. Aktualisht policia shqiptare ka vënë në dispozicion të fluksit në dalje 4 sportele  dhe 2 në hyrje, ndërsa pala greke ka 3 sportele në hyrje dhe 2 në dalje.

Që prej datës 1 Janar qarkullimi përmes Kakavijës ka qenë i lartë dhe koha e pritjes në radhë ka qenë mesatarisht rreth 40 minuta. Orët më të ngarkuara me përpunimin e lëvizjes janë orët e mëngjesit dhe të mbrëmjes.

Autoritetet kanë kërkuar që të shfrytëzohet edhe segmenti kohor i mesditës për të evituar dyndjen e njëkohshme.

Që prej mesit të muajit dhjetor kanë hyrë në Shqipëri prej Kakavijës gati 100 mijë qytetarë një numër disi më i lartë se vitet e kaluara. Gjatë dhjetorit policitë shqiptare dhe greke kanë organizuar disa takime dypalëshe për të lehtësuar lëvizjen në të dy anët e kufirit.

Masat u monitoruan edhe nga ministri i brendshëm javën e kaluar por pamvarsisht takimeve me palën greke, situata nuk ka ndryshuar.

Si çdo periudhë festash edhe këtë herë  pati ditë kur koha e pritjes në rradhë i kaloi të 2 orët.Fluksi në dalje është duke kulmuar përgjatë fundjavës për shkak se nga e hëna rifillon puna në shtetin grek.

Edhe pikat e tjera kufitare përfshi Qafë-Botën, Tri Urat dhe Sopikun vazhdojnë të kenë një ritëm të lartë në dalje nga Shqipëria. Ata që janë larguar të parët ishin punonjësit në sektorin bujqësor të agrumeve dhe ullinjve./ CNA





Lajmet e fundit nga