web counter
LEXO PA REKLAMA!

SHKARKO APP

App Store
Google Play

E fundit!

x

Hetimet e SPAK-ut për inceneratorin e Tiranës/ Përfshirja e Veliajt në aferë

1 Janar 2025, 13:40, Aktualitet CNA

Hetimet e SPAK-ut për inceneratorin e Tiranës/ Përfshirja e

Inceneratori i Tiranës që është një çështjet me të bujshme të korrupsionit që ka çuar pas hekurave zyrtarë të lartë dhe ish ministria, ndërsa të tjerë janë nën hetim, teksa SPAK e ka cilësuar të përfshirët në aferë si grup të strukturuar kriminal.

GJKKO pranoi në 13 Dhjetor të 2024 kërkesën e SPAK për kalimin e dosjes për gjykim për 12 persona për inceneratorin e Tiranës. Ata akuzohen për 'pastrimit të parave' dhe 'grup i strukturuar kriminal'.

Vetëm tre prej të pandehurve kanë kërkuar gjykim të shkurtuar, konkretisht Silena Tola, Alba Thoma dhe Pëllumb Abeshi, ndërsa pjesa tjetër kanë kërkuar procedurën e gjykimit të zakonshëm.

Në 2 Gusht 2024, Prokuroria e Posaçme njoftoi zyrtarisht mbylljen e hetimeve për 12 persona te akuzuar, nën dyshimin se kanë kryer veprën penale “shpërdorim detyre”.

Masat për inceneratorin u lëshuan në Dhjetor të vitit 2023, ndërsa për gjykim kanë kaluar ish ministri i Mjedisit Lefter Koka, Pëllumb Abeshi, Erjon Murataj, Bledar Karoli, Taulant Tusha, Namik Simixhiu, Etleva Kondi, Alba Tboma, Valbona Ballgjini, Sidita Kopliku, Jetmir Llapaj dhe Silena Tola.

Për inceneratorin e Tiranës, ish-deputeti socialist Alqi Bllako, njëherësh Sekretar i Përgjithshëm i Ministrisë së Mjedisit është ndarë më vete. Kjo për shkak se Bllako po hetohet për një tjetër akuzë, atë të korrupsionit.

PËRFSHIRJA E ERION VELIAJT NË AFERË

Opozita i ka kërkuar SPAK-ut që të çojë pas hekurave për këtë aferë kryebashkiakun Erion Veliaj, të cilin e cilëson përgjegjësin kryesor që paratë e shqiptarëve vidhen edhe sot e kësaj dite për një projekt inekzistent.

Drejtuesi politik i PD-së për qarkun e Tiranës, Belind Këlliçi, një ndër demokratët më të zëshmëm ndaj aferës së inceneratorëve, ka denoncuar shpesh kryebashkiakun lidhur me përfshirjen e tij në këtë çëshjte.

Ai ka publikuar edhe një video në rrjete sociale, konkretisht në 17 Dhjetor të 2023, të Veliajt i cili shfaqet në 3 momente të ndryshme teksa flet në mënyrë kontradiktore për inceneratorin e Tiranës.

“Herën e parë e bëra unë thotë. Herën e dytë e bëri paraardhësi. Herën e tretë e bëri qeveria. E vërteta në fakt është një. Iniciues dhe kërkues i inceneratorit të Tiranës është vetë Erion Veliaj”, thotë Këlliçi teksa publikon edhe fjalën e Veliajt në 3 kohë.

Ndërkaq CNA ka zbuluar ekskluzivisht lidhjet e kryebashkiakut të Tiranës, Erion Veliaj, të cilat shkojnë tek ortakëritë me kompani ruse dhe inceneratorët. Kryebashkiaku përvec aferës së incneratorëve, është nën hetim nga SPAK edhe për një sërë çështjesh të tjera, përfshirë dosjen 5D, shembjen e Teatrit Kombëtare, shembjet e banesave tek 5 Maji, si dhe një hetim pasuror është duke u kryer ndaj tij dhe familjarëve të tij, përfshirë bashkëshorten Ajola Xoxa dhe vëllain Arbën Veliaj.

Këta të fundit akuzohen se kanë përfituar fonde publike të Bashkisë së Tiranës, me bekimin e kryebashkiakut Errion Veliaj. Teksa hetimet vijojnë, është pikërisht Prokuroria e Posaçme, e cila do të thotë fjalën e fundit se deri ku shkon përfshirja e Veliajt dhe se sa dëm u ka shkaktuar xhepave të qytetarëve të Tiranës./ CNA





Lajmet e fundit nga