web counter
LEXO PA REKLAMA!

SHKARKO APP

App Store
Google Play

E fundit!

x

Rritja e pagave/ Rama: Kemi shkuar përtej objektivit

30 Dhjetor 2024, 11:50, Aktualitet CNA
Rritja e pagave/ Rama: Kemi shkuar përtej objektivit
Kryeministri Edi Rama

Kryeministri Edi Rama theksoi se qeveria ka shkuar përtej objektivit dhe pagat janë rritur me 900 euro.

Gjatë konferencës së fundvitit me gazetarët, Rama tha se është arritur një rezultat i rritjes domethënëse të ekonomisë dhe mundësive.

“Kemi shkuar përtej objektivit, që pagat të arrinin në 900 euro. Jemi në 968 euro, tavani i 1 mijë eurove është një shtrirje krahu larg. Kjo ka ardhur si rezultat i rritjes domethënëse të ekonomisë dhe mundësive. Një gjë është të duash të rritësh pagat e pensionet e një gjë është t’i rrisësh. Aq më tepër të rriten duke mos vënë në rrezik balancat makroekonomikë.

Gjetëm një vend të zhytur në borxhe e pluhur, ku vetëm larja e borxheve dhe rikapja e ritmit të financimit të rrugëve të lëna rrugëve që ishin propaganduar si të përfunduara, por ishin kontrata të lidhura duke mos pasur paratë, na morën një kohë goxha të madhe. Jemi sot në kushte të tjera, ne nuk kishim një administratë të motivuar dhe që kishte mundësitë të shërbente me dinjitet.

Sot e kemi falë transformimit të kalimit të shërbimeve për të cilat deri dje mbahej radha në shi e diell, dhe paguhej bakshish për të marrë një certifikatë."/CNA





Lajmet e fundit nga