web counter
LEXO PA REKLAMA!

SHKARKO APP

App Store
Google Play

E fundit!

x

Mandati i Xhaçkës/ Rama, kundër Kushtetueses: Nuk i imponon dot votën deputetëve

28 Dhjetor 2024, 18:43, Aktualitet CNA
Mandati i Xhaçkës/ Rama, kundër Kushtetueses: Nuk i imponon dot
Fotomontazh - Edi Rama dhe Olta Xhaçka, në sfond Gjykata Kushtetuese

Në Kuvend vijon prej më shumë se dy vjetësh debati për çështjen e mandatit të deputetes Olta Xhaçka.

Mazhoranca nuk pranon të zbatojë vendimin e Gjykatës Kushtetuese edhe pas opinionit të Komisionit të Venecias, duke pretenduar se ai iu jep të drejtë.

Për këtë çështje u pyet në një intervistë për Zërin e Amerikës kryeministri Edi Rama.

Kreu i qeverisë ironizoi opozitën, duke pretenduar se po e interpreton sipas dëshirës.

Sipas tij, Komisioni i Venecias bie dakord me mazhorancën se Gjykata Kushtetuese nuk mund t'u imponojë deputetëve se si duhet të votojnë.

“Sepse përfaqësuesit e shumicës tonë parlamentare lexojnë shumë mirë shqip. Vendimi i Komisionit është, më shqip nuk mund të ketë. Tani, nëse pastaj do të hyjmë në lodra të natyrës juridike, atëherë e dimë shumë mirë që dy juristë të ndryshëm, për shkak të pozicionit të ndryshëm, mund të bëjnë dy interpretime të ndryshme. Por vendimi i Komisionit të Venecias është i qartë: nuk do të duhej fare të lindte nevoja, sepse nuk ekziston, është jashtë logjikës më elementare të funksionimit të një shteti demokratik, ku të treja pushtetet janë të pavarura nga njëra-tjetra, legjislativi, gjyqësori dhe ekzekutivi, që një gjykatë, qoftë edhe ajo Kushtetuese, t'u imponojë deputetëve se si duhet të ngrenë dorën. Kjo nuk ndodh.

Ky është një interpretim tjetër i tepërt, sepse Opinioni i Komisionit të Venecias është i qartë si drita e diellit: Parlamenti nuk imponohet, e nëse diçka do të kalojë në parlament, aty do të vendosë parlamenti, ndaj nuk vendos askush tjetër”, theksoi Rama./ CNA





Lajmet e fundit nga