web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, 5 orë në SPAK/ Klodiana Lala: Ka transferta në llogaritë e kompanive të Ajola Xoxës të pajustifikuara

27 Dhjetor 2024, 09:01, Aktualitet CNA

Veliaj, 5 orë në SPAK/ Klodiana Lala: Ka transferta në

Gazetarja Klodiana Lala ka folur për thirrjen e Erion Veliajt në SPAK për herë të dytë.

Sipas gazetares ka dyshime të forta që Veliaj dhe rrethi i tij familjar kanë përfituar ryshfet nga individë dhe kompani që kanë lidhje me Bashkinë e Tiranës.

E ftuar në "MCN TV", gazetarja Klodiana Lala tha se ka pasur hetim nga Prokuroria e Tiranës për biznesmenin Elman Abule nga ku është dhe zanafilla.

SPAK nga korrupsioni ka kaluar në sitë gjithë pasuritë e Veliajt dhe familjarëve.

Më tej gazetarja shtoi se nga verifikimi që iu bë Erion Veliajt në daljet jashtë shtetit dhe pagesat me karta, po i ndihmojnë shumë prokurorët për hetimin pasuror të kryebashkiakut të Tiranës.

Gazetarja deklaroi se transferta që Veliaj ka bërë në llogaritë e kompanive të Ajola Xoxës janë të pajustifikuara sipas prokurorëve.

Ndër të tjera, gazetarja ka zbuluar dhe për çfarë është pyetur 5 orë në Prokurorinë e Posaçme.

"SPAK-u ka regjistruar procedim penal nr. 27 të vitit 2024 për veprën penale të korrupsionit pasiv mbi bazën e një kallëzimi, nuk e di kallëzuesin, edhe pse kam dyshim të fortë. Ka dyshime që Veliaj dhe rrethi familjar kanë përfituar ryshfet nga individë dhe kompani që kanë lidhje me Bashkinë e Tiranës.

Ka pasur hetim nga Prokuroria e Tiranës për biznesmenin Elman Abule, këtu është zanafilla. SPAK-u nga korrupsioni ka kaluar në sitë gjithë pasuritë e Veliajt dhe familjarëve. Ligji parashikon që çdo person që është duke u hetuar për korrupsion, automatikisht ndaj zyrtarit të lartë nis hetimi pasuror.  Çfarë ndodh? U kërkohen të dhëna gjithë institucioneve.

Shikohen lëvizjet, hyrje-daljet, kartat që ka përdorur, etj. Në këtë kuadër prokurorët kanë krijuar dyshime të arsyeshme që Veliaj është përfshirë në këtë aferë dhe është thirrur për t’u marrë në pyetje.

Është pyetur për udhëtimet që ka bërë jashtë vendit, për disa biznesmenë që kanë qenë në të njëjtin avion. Është pyetur për disa leje ndërtimi për persona që rezultojnë me marrëdhënie pune me bashkëshorten. Është pyetur për karta që janë përdorur. Vjehrra e zotit Veliaj ka një studio ligjore, e cila ëhtë kontrolluar me vendim gjykate dhe janë marrë dhjetëra fatura, që kanë dhënë konsulencë juridike.

Janë duke parë tenderët dhe aktivitetin e OJF, 'Harabelit', që e drejton Ajola Xoxa. Në bizneset e Ajola Xoxës është gjetur shumë e konsiderueshme parash. Si ka mundësi që një person deklarues, që duhet të informojë ILDKPI… Thelbi është që prokurorët kanë dyshime të arsyeshme.

Nga ana tjetër nuk mund të relativizojë faktin, që ky njeri, i cili dyshohet se ka firmosur leje ndërtimi për kompani, që bëjnë transfertë për OJF e bashkëshortes dhe pretendohet se kanë marrë konsulencë juridike. E njëjta gjë me kompaninë e të vëllait.

Denoncuesi nuk është i rëndësishëm. Mund të ketë edhe letër anonime, SPAK-u mund ta nisë hetimin edhe kryesisht. Veliaj po tenton të na fusë në kurth, duke u marrë me denoncuesin. Për mua rëndësi ka vetëm një, a qëndrojnë faktet që pretendojnë prokurorët. A ka përfituar Erion Veliaj para?

Ka dhjetëra transferta në llogaritë e kompanive të Ajola Xoxës, që sipas prokurorëve janë të pajustifikuara. Dyshohet po kështu se janë bërë fatura fiktive.

Ndërsa për '5D', është mbyllur hetimi për zyrtarët e bashkisë dhe po vijon një hetim tjetër, pra historia për aferën '5D' nuk ka përfituar", tha ajo./ CNA





Lajmet e fundit nga