web counter
LEXO PA REKLAMA!

SHKARKO APP

App Store
Google Play

Linda Rama: Martesa me Edin më shkaktoi 3 dorëheqje

25 Dhjetor 2024, 22:53, Aktualitet CNA
Linda Rama: Martesa me Edin më shkaktoi 3 dorëheqje
Linda Rama dhe Edi Rama

Linda Rama tregoi mbrëmjen e sotme se takimin e parë me kryeministrin Edi Rama e ka pasur në vitin 2002, në kohën kur Edi Rama ishte kryebashkiak i Tiranës.

Ajo tha në emisionin "Opinion" se martesa erdhi pas 8 vitesh nga njohja.

“Ne kemi bërë një dalje të gjatë në një emision televiziv, jemi shpjeguar dhe unë aty jam prezantuar në fakt si bashkëshortja e Edi Ramës. Ne jemi martuar në vitin 2010, unë jam njohur me Edin në vitin 2002, në kuadrin e bërjes së një raporti për zhvillimin njerëzor, që është një nga publikimet më dinjitoze dhe arsyeja ka qenë sepse tema e raprotit ka qenë për decentralizimin dhe meqënëse Tirana po shkonte me shpejtësi drejt thellimit të këtij procesi, u ftua nga grupi i ekspertëve, unë aty e kam takuar për herë të parë”, u shpreh ajo.

Bashkëshortja e kryeministrit deklaroi se për shkak të martesës me Ramën ka dhënë dorëheqjen nga 3 poste.

“Në vitin 2010, atë javën e martesës me Edin, më shkaktoi 3 dorëheqje që i kam dhënë pa m’i kërkuar njeri, jo se kishte ndonjë problem etik, por sistemi im arsyetues dhe etika ime e brendshme ma thoshte këtë gjë. Dhashë dorëheqjen nga drejtuese e zyrës ku punoja, një dorëheqje ka qenë largimi nga auditori si lektore sepse jepja politika publike në nivelin master dhe dorëheqja e tretë ka qenë nga bordi i fondacionit Soros. Nga bordi ka pasur rezistencë të fortë që të mos pranonin dorëheqjen time, sepse e kishin të pamundur të pranonin që pozicioni i Edit në atë kohë të ishte një plumb ekzekutues për karrierën time që kishte ardhur si rezultat i kontributeve dhe meritave që kisha. Jam ndjerë shumë mirë sepse aty kam kuptuar shkallën e maturisë së atyre njerëzve dhe insistimin për të mos krijuar precedent që pastaj mund të rezononin si arsye tek të tjerët”, theksoi Linda Rama./ CNA





Lajmet e fundit nga