web counter
LEXO PA REKLAMA!

SHKARKO APP

App Store
Google Play

"Jam e distancuar nga pushteti i tij"/ Linda Rama: Nuk përfshihem në vendimarrjet e Edit

25 Dhjetor 2024, 22:53, Aktualitet CNA
"Jam e distancuar nga pushteti i tij"/ Linda Rama: Nuk përfshihem
Linda Rama

Bashkëshortja e Kryeministrit Edi Rama, Linda Rama e ftuar në “Opinion” ka folur për disa aspekte të ndryshme të jetës së saj profesionale, por edhe atë private.

Nuk jemi mësuar shpesh ta shohim nëpër intervista televizive, sepse daljet e saj publike janë të rralla dhe këtë e pranon vetë Linda Rama ku tha se kjo është zgjedhja e saj.

E pyetur nga gazetari Blendi Fevziu nëse ajo ndikon në vendimet e Kryeministrit Rama, Linda tha se nuk përfshihet në pushtetin e tij në asnjë rast.

Mirëpo, në disa raste bashkëshortja e Ramës tha se ka edhe momente ku e këshillon apo i jep mendimet e veta në lidhje me një fenomen të caktuar.

"Zero raste, unë nuk përfshihem në vendimet e Edi Ramës sepse keta janë vendime institucionale.

Do kem një distancë të plotë nga pushteti i Edit. E mbaj sepse e besoj dhe duhet. Këshillimi ka një terren ku mundet gjithkush të gjejë mënyrat që të japë opinionet e veta kryeministrit për fenomene të caktuara. Këtë mundësi e marr dhe për ngjarje të caktuara jap opinionin tim dhe gjej mundësinë për t’ja transmetuar edhe Edit. Pyes për gjëra që i kam të paqarta dhe pastaj në bazë të përgjigjeve kuptoj që nuk ka një zgjidhje më të mirë nga ajo që Edi ka vendosur"/CNA





Lajmet e fundit nga