web counter
LEXO PA REKLAMA!

SHKARKO APP

App Store
Google Play

E fundit!

x

Mitropolia e Shenjtë e Korçës hap dyert për besimtarët/ Shkëmbejnë mesazhe urimi

25 Dhjetor 2024, 13:34, Aktualitet CNA

Mitropolia e Shenjtë e Korçës hap dyert për

Në Mitropolinë e Shenjtë të Korçës prej orës 11:00 nisi pritja nga Imzot Joan Pelushi, ku qindra besimtarë kanë shkëmbyer urimet e tyre me mitropolitin dhe pjesëmarrësit e tjerë. Në ambientet e Mitropolisë, morën pjesë figura politike dhe drejtues institucionesh, të cilët kanë përcjellë urimet e tyre për këtë ditë të shenjtë.

Kryetari i bashkisë së Korçës, Sotiraq Filo, ka theksuar se kjo ditë përkon me lindjen e Krishtit, si lindje e shpresës dhe besimit për ditë më të mira.

"Sot është një ditë e shenjtë, një ditë e gëzuar, një ditë feste për të gjithë besimtarët e krishterë të qytetit, bashkisë së Korccës dhe mbarë vendit. Është dita e Krishtlindjes. Lindja e Krishtit nuk është lindje e një njeriu të zakonshëm, por është lindja e shpresës, bësimit për ditë më të mira. Kështu që, në këtë ditë kaq të veçantë dëshiroj të uroj gjithë besimtarët e krishterë, dhe familjeve korçare e më gjerë, gëzuar! Le të sjellë kjo ditë më shumë shpresë dhe besim për ditë më të mira."

Për kryetarin e këshillit të qarkut, Erjon Nexhipi, Krishtlindja është festa që përgjithëson shoqërinë tonë pasi simbolizon lindjen e një fëmije.

"Krishtlindjet janë festa që mund të them përgjithëson gjithë shoqërinë tonë. Festohet nga të gjithë sepse ka një simbolikë të jashtëzakonshme, lindjen e një fëmije. Uroj shqiptarët gëzuar Krishtlindjet!"

Krishtlindja mbetet një nga festat më të veçanta për besimtarët ortodoksë të cilët prej mëngjesit të sotëm kanë ndjekur meshën e mbajtur nga Imzot Joan Pelushi, e më pas janë drejtuar në Mitropolinë e Korçës ku kanë shkëmbyer mesazhe urimi./ CNA





Lajmet e fundit nga